ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ଭିଡିଓ ଏବଂ ଫଟୋ ଭାଇରାଲ ହେଉଛି। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ସେହିଭଳି ଟୁଇଟରରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି। ଏଥିରେ ଜଣେ ବ୍ୟକ୍ତିଙ୍କୁ ଖାଉଥିବା ଦେଖିବାକୁ ମିଳୁଛି। ସାଧାରଣତହଃ ଲୋକେ ଖାଇବା ପାଇଁ ଥାଳି କିମ୍ବା କୌଣସି ପାତ୍ର ଖୋଜି ଥାନ୍ତି। ଯଦି ପାତ୍ର ନ ମିଳେ ସେମାନେ ପତ୍ର ଆଣି ସେଥିରେ ଖାଇ ଫୋପାଡି ଥାନ୍ତି। ହେଲେ ବ୍ୟକ୍ତିଙ୍କ ଏପରି ଚିନ୍ତା ଧାରା ଦେଖିଲେ ଆପଣ ବି କହିବେ ନା ଦରକାର ପାତ୍ର ନା ନଷ୍ଟ ହେବ ପତ୍ର। କାରଣ ବ୍ୟକ୍ତି ଜଣଙ୍କ ପାତ୍ରରେ ନୁହେଁ ପତ୍ରରେ ଖାଉଛନ୍ତି। ଆଉ ଖାଇ ସାରିବା ପରେ ସେ ସେହି ପତ୍ରକୁ ଫୋପାଡୁ ନାହାନ୍ତି ସେ ପତ୍ରକୁ ଧୋଇ ଦେଉଛନ୍ତି। ଆଶ୍ଚର୍ଯ୍ୟର କଥା କଦଳୀ ଗଛର ଏହି ପତ୍ରକୁ ସେ ଗଛରୁ କାଟି ନାହାନ୍ତି। ପତ୍ର ଠିକ୍ ଗଛରେ ଲାଗିକି ଅଛି ବ୍ୟକ୍ତି ସେଥିରେ ଖାଇ ସାରିବା ପରେ ତାହାକୁ ଧୋଇ ଦେଉଛନ୍ତି। ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। କ୍ୟାପଶନ୍ରେ ଲେଖିଛନ୍ତି, ‘ଜଷ୍ଟ ଫର ଫନ୍’ । ଭିଡିଓଟି ଅଧିକ ଭାଇରାଲ ହେବାରେ ଲାଗିଛି।
