ଭାରତୀୟ କ୍ରିକେଟ୍ ଟିମ୍ର ଦିଗ୍ଗଜ ଖେଳାଳି ସଚିନ ତେନ୍ଦୁଲକର, ରାହୁଲ ଦ୍ରାବିଡ ଏବଂ ସୌରଭ ଗାଙ୍ଗୁଲୀଙ୍କ ଦବ୍ଦବା ଦେଖିବାକୁ ମିଳୁଥିବା ବେଳେ ଯୁବରାଜ ସିଂହ ଦଳରେ ଯୋଗ ଦେଇଥିଲେ। ୨୦୦୦ରେ ଭାରତ ପାଇଁ ଡେବ୍ୟୁ କରିଥିଲେ ସେ। ସେତେବେଳେ ସମସ୍ତଙ୍କଠାରୁ ସଚିନଙ୍କୁ ସେ ବେଶି ମାନୁଥିଲେ। ଏହି ସମୟରେ ଏକ ନିଆରା ଘଟଣା ଘଟିଥିଲା।
ମହମ୍ମଦ କୈଫଙ୍କ ଅଧିନାୟକତ୍ୱରେ ୧୯ ବର୍ଷରୁ କମ୍ ଟିମ୍ର ଚାମ୍ପିଆନ ହେବା ପରେ ଯୁବରାଜ ଭାରତୀୟ ଟିମ୍ର ଖେଳାଳିମାନଙ୍କ ସହ ଖେଳିବାକୁ ସୁଯୋଗ ମିଳିଥିଲା। ଏହା ତାଙ୍କ ପାଇଁ କୌଣସି ସ୍ବପ୍ନଠାରୁ କମ୍ ନ ଥିଲା। ଯେଉଁ ଖେଳାଳିମାନେ ତାଙ୍କୁ ପ୍ରେରଣା ଯୋଗାଇ ଆସୁଥିଲେ ସେମାନଙ୍କ ସହ ଯୁବରାଜ ଖେଳିବାକୁ ଯାଉଥିଲେ। ଏକଦା ଡ୍ରେସିଂ ରୁମ୍ରେ ସଚିନଙ୍କ ପାଖ ସିଟ୍ଟି ଖାଲି ଥିଲା। ହେଲେ ଯୁବରାଜ ସେଠାରେ ବସିବାକୁ ମନା କରିଦେଇଥିଲେ। ସେ ତାଙ୍କ ମ୍ୟାନେଜରଙ୍କୁ କହିଥିଲେ ଯେ ମୋତେ ଲାଗୁ ନାହିଁ ମୁଁ ଏଠାରେ ବସି ପାରିବି। ଏହାଶୁଣି ମ୍ୟାନେଜର ସେମାନଙ୍କ ସହ ମିଶିବାକୁ ତାଙ୍କୁ ବୁଝାଇଥିଲେ।
ସେହିଭଳି ଯୁବରାଜ ତାଙ୍କ କିଟ୍ ବ୍ୟାଗ୍ରେ ସଚିନଙ୍କ ଫଟୋ ଲଗାଇଥିଲେ। ଏହାକୁ ଦେଖି ସଚିନ ନ ଚିହ୍ନିବା ଭଳି ପ୍ରତିକ୍ରିୟା ଦେଇଥିଲେ। ଏହା ଏକ ଭଲ ଫଟୋ, ଖେଳାଳିଜଣଙ୍କ କିଏ ବୋଲି ସଚିନ ପ୍ରଶ୍ନ କରିଥିଲେ। ପରେ ସେ ହସିବାରେ ଲାଗିଥିଲେ। ସଚିନ ତାଙ୍କୁ ସହଜ କରିବାକୁ ଏଭଳି କହିଥିବା ସେ ଜାଣିପାରିଥିଲେ।