ଚେନ୍ନାଇ,୪।୯ : ଭାଜପା ସୋମବାର ପୋଡକାଷ୍ଟ ସିରିଜର ପ୍ରଥମ ଏପିସୋଡରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ତାମିଲନାଡୁର ମୁଖ୍ୟମନ୍ତ୍ରୀ ତଥା ଡିଏମକେ ଅଧ୍ୟକ୍ଷ ଏମ.କେ ଷ୍ଟାଲିନ କଡ଼ା ସମାଲୋଚନା କରିଥିବା ନେଇ ଜବାବ ଦେଇଛି। ଦଳ କହିଛି ପିଏମ ମୋଦି କଦାପି ପ୍ରତିଶ୍ରୁତି ଦେଇ ନାହାଁନ୍ତି ସମସ୍ତଙ୍କ ଆକାଉଣ୍ଟରେ ୧୫ ଲକ୍ଷ ଟଙ୍କା ଜମା କରାଯିବ ଏବଂ ପୋଡକାଷ୍ଟରେ ଦିଆଯାଇଥିବା ଦାବି ମିଥ୍ୟା ଅଟେ। ବାସ୍ତବରେ, ସୋମବାର ସକାଳେ ବିଭିନ୍ନ ଭାଷାରେ – ମାଲାୟାଲମ, ତାମିଲ, ତେଲୁଗୁ, କନ୍ନଡ ଏବଂ ହିନ୍ଦୀରେ ରିଲିଜ କରିଥିବା ଏକ ପୋଡକାଷ୍ଟ ଏପିସୋଡରେ ସିଏମ ଷ୍ଟାଲିନ ଦାବି କରିଛନ୍ତି ଭାଜପା ଗତ ନଅ ବର୍ଷର ଶାସନ କାଳରେ ସାମାଜିକ କଲ୍ୟାଣ ସମ୍ବନ୍ଧରେ କୌଣସି ନିର୍ବାଚନୀ ପ୍ରତିଶ୍ରୁତି ପୂରଣ କରି ନାହିଁ।
ପ୍ରତିଶ୍ରୁତି ଅନୁଯାୟୀ ସମସ୍ତ ନାଗରିକଙ୍କ ଆକାଉଣ୍ଟରେ ୧୫-୧୫ ଲକ୍ଷ ଟଙ୍କା ଜମା କରାଯାଇ ନାହିଁ। କୃଷକଙ୍କ ଆୟ ଦ୍ୱିଗୁଣିତ ହୋଇନାହିଁ। ବର୍ଷକୁ ଦୁଇ କୋଟି ଚାକିରୀ ପ୍ରତିଶୃତି ଦିଆଯାଇଥିଲା। କିନ୍ତୁ ଏହା ହେଲା ନାହିଁ। ସମଗ୍ର ଭାରତରେ ମଣିପୁର ଏବଂ ହରିୟାଣା ଭଳି ଅବସ୍ଥା ନ ହେବା ପାଇଁ ଇଣ୍ଡିଆ ମିଳିତ ମେଣ୍ଟକୁ ଜିତିବାକୁ ପଡିବ। ଏମ.କେ ଷ୍ଟାଲିନ ଲୋକଙ୍କୁ ବହୁ ସଂସ୍କୃତି ଏବଂ ବିବିଧ ଭାରତ ଗଠନ କରିବାକୁ ଆହ୍ବାନ ଦେଇଛନ୍ତି ଏବଂ ଅଭିଯୋଗ କରିଛନ୍ତି ୍ ଏୟାର ଇଣ୍ଡିଆ ଟେକ ବିକ୍ରୟ କରି ବନ୍ଧୁତ୍ୱପୂର୍ଣ୍ଣ ନିଗମଗୁଡିକୁ ଭାଙ୍ଗିବା ଏବଂ ହସ୍ତାନ୍ତର କରିବା ଭଳି ପ୍ରସଙ୍ଗକୁ ଘୋଡାଇବା ପାଇଁ ୍ଭାଜପା ସାମ୍ପ୍ରଦାୟିକତା ହିଂସା ଭିଆଉଛି। ବିମାନବନ୍ଦର ଏବଂ ବନ୍ଦରଗୁଡିକ ଭାଜପା ପକ୍ଷରୁ ନିଜ ବନ୍ଧୁମାନଙ୍କୁ ହସ୍ତାନ୍ତର କରାଯାଇଛି।