ଗୁଆହାଟୀ,୮।୪ : ଆଦାନୀ ମାମଲା ସମ୍ପର୍କରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା କଂଗ୍ରେସ ନେତା ରାହୁଲ ଗାନ୍ଧୀଙ୍କୁ କଡ଼ା ସମାଲୋଚନା କରିଛନ୍ତି। ଶନିବାର ଏକ ସୋସିଆଲ ମିଡିଆ ପୋଷ୍ଟରେ ଶର୍ମା କହିଛନ୍ତି , ଏହା ଆମର ନମ୍ରତା ଯେ ଆମେ ବୋଫର୍ସ ଏବଂ ନ୍ୟାଶନାଲ ହେରାଲ୍ଡ ଦୁର୍ନୀତିର ଆୟକୁ କେଉଁଠାରେ ଲୁଚାଇ ରଖାଯାଇଛି ତାହା କେବେ ପଚାରି ନାହୁଁ। ଆଚ୍ଛା, ଆମେ ଆପଣଙ୍କୁ କୋର୍ଟରେ ଦେଖିବୁ।
ରାହୁଲ ଗାନ୍ଧୀ ଶନିବାର ଏକ ଟୁଇଟ କରି ବିଲିୟନେୟାର ବ୍ୟବସାୟୀ ଗୌତମ ଆଦାନୀଙ୍କ ସମେତ ୬ଜଣ ନେତାଙ୍କୁ ଟାର୍ଗେଟ କରିଥିଲେ। ଗୌତମ ଆଦାନୀ, ଗୁଲାମ ନବୀ ଆଜାଦ, ଜ୍ୟୋତିରାଦିତ୍ୟ ସିନ୍ଧିଆ, କିରଣ କୁମାର ରେଡ୍ଡୀ, ହିମନ୍ତ ବିଶ୍ୱ ଶର୍ମା ଏବଂ ଅନିଲ ଆଣ୍ଟୋନିଙ୍କୁ ଟାର୍ଗେଟ କରି ସେ ନିଜ ଟୁଇଟରେ ଲେଖିଛନ୍ତି, ସେମାନେ ସତ୍ୟକୁ ଲୁଚାନ୍ତି, ତେଣୁ ସେମାନେ ପ୍ରତିଦିନ ଦେଶର ଜନସାଧାରଣଙ୍କୁ ବିଭ୍ରାନ୍ତ କରିବା ଭଳି ମନ୍ତବ୍ୟ ପ୍ରଦାନ କରନ୍ତି। ପ୍ରଶ୍ନ ହେଉଛି ଆଦାନୀଙ୍କ କମ୍ପାନୀରେ କୋଡିଏ ହଜାର କୋଟି ଟଙ୍କା କାହାର । ଏହାର ଜବାବରେ ହିମନ୍ତ ଏଭଳି ମତପୋଷଣ କରିଛନ୍ତି।