ସାଧାରଣତଃ ମଣିଷ ପାଇଁ ଖାଦ୍ୟ, ବସ୍ତ୍ର ଏବଂ ବାସଗୃହ ନିତ୍ୟାନ୍ତ ଆବଶ୍ୟକ। ଏହା ମୌଳିକ ଆବଶ୍ୟକତା। ଆଉ ଏହି ଆବଶ୍ୟକତା ପୂରଣ କରିବା ପାଇଁ ଜଣେ ଲୋକକୁ କିଛି ନା କିଛି ରୋଜଗାର କରିବା ନିହାତି ଦରକାର। ଅନେକ ଲୋକ ପେଟ ପୋଷିବା ପାଇଁ ଚାକିରି ଖୋଜିଥା’ନ୍ତି। ଏପରିକି ଚାକିରି ଖଣ୍ଡିଏ ପାଇବା ପାଇଁ ଘରଦ୍ୱାର, ସହର, ଦେଶ ମଧ୍ୟ ଛାଡ଼ିଥାନ୍ତି। କାରଣ ବିଦେଶରେ ବିଭିନ୍ନ ପ୍ରକାରର ଚାକିରି ମିଳିଥାଏ। କିନ୍ତୁ ଏପରି କିଛି ଅଜବ ଚାକିରି ରହିଛି, ଯାହା ବିଷୟରେ ଜାଣି ଆଶ୍ଚର୍ଯ୍ୟ ହେବେ। ତେବେ ଜାଣନ୍ତୁ ଏ ସମ୍ପର୍କରେ…
ଜାପାନରେ ଏମିତି ଏକ ଚାକିରି ଅଛି, ଯେଉଁଥିରେ କର୍ମଚାରୀମାନଙ୍କୁ ଟ୍ରେନ୍ରେ ଲୋକଙ୍କୁ ଧକ୍କା ମାରିବାକୁ ପଡ଼େ। ବାସ୍ତବରେ, ଏଠାରେ ଟ୍ରେନ୍ରେ ଲୋକଙ୍କ ପ୍ରବଳ ଭିଡ଼ ହୋଇଥାଏ। ଯେଉଁଥିପାଇଁ ବହୁବାର ଟ୍ରେନ୍ର ଡୋର୍ ଖୋଲିଯାଇଥାଏ। ଏହି ଚାକିରି ପାଇଁ ନିଯୁକ୍ତ ଲୋକମାନେ ବାହାରେ ଭିଡ଼ ଭିତରେ ରହି ଟ୍ରେନ୍ ଡୋର୍ ବନ୍ଦ କରିବାରେ ସାହାଯ୍ୟ କରିଥାନ୍ତି।