ଯେଉଁଠି କରାଯାଇଥିଲା ଗୁଳି ପୁଣି କାହିଁକି ସେଠାକୁ ଗଲେ ଟ୍ରମ୍ପ? ସାଙ୍ଗରେ ଥିଲେ ମସ୍କ

ପେନସିଲଭାନିଆ,୬।୧୦: ଆମେରିକାର ପୂର୍ବତନ ରାଷ୍ଟ୍ରପତି ତଥା ରିପବ୍ଲିକାନ ପାର୍ଟି ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଶନିବାର ପେନସିଲଭାନିଆରେ ଏକ ନିର୍ବାଚନ ରାଲିରେ ସମ୍ବୋଧିତ କରିଛନ୍ତି। କୌତୁହଳର ବିଷୟ, ଟେସଲା ସିଇଓ ଏଲୋନ ମସ୍କ ମଧ୍ୟ ଟ୍ରମ୍ପଙ୍କ ସହ ମଞ୍ଚରେ ନଜର ଆସିଥିଲେ।
ମଞ୍ଚକୁ ଯାଇ ଏଲୋନ ମସ୍କ ମଧ୍ୟ ଟ୍ରମ୍ପଙ୍କ ପାଇଁ ସମର୍ଥନ ଲୋଡିଥିଲେ। ଏହି ନିର୍ବାଚନ ରାଲିରେ ହଜାର ହଜାର ରିପବ୍ଲିକାନ ପାର୍ଟି ସମର୍ଥକ ଅଂଶଗ୍ରହଣ କରିଥିଲେ। ମଞ୍ଚକୁ ଆସିବା ପରେ ମସ୍କ ଲୋକମାନଙ୍କ ଆଗରେ ଫାଇଟ-ଫାଇଟ ଏବଂ ଭୋଟ-ଭୋଟ ସ୍ଲୋଗାନ ଦେଇଥିଲେ।
ମସ୍କ ମଞ୍ଚକୁ ଆସି କହଲେ, ସମ୍ବିଧାନର ସଂରକ୍ଷଣ ପାଇଁ ରାଷ୍ଟ୍ରପତି ଟ୍ରମ୍ପ ନିଶ୍ଚିତ ଜିତିବା ଉଚିତ୍‌। ଏହା ଆମର ଜୀବନକାଳର ସବୁଠାରୁ ଗୁରୁତ୍ୱପୂର୍ଣ୍ଣ ନିର୍ବାଚନ ଏବଂ ଆମେରିକାରେ ଗଣତନ୍ତ୍ରର ସଂରକ୍ଷଣ ପାଇଁ ଟ୍ରମ୍ପ ନିଶ୍ଚିତ ଜିତିବା ଉଚିତ୍‌। ସେ କହିଛନ୍ତି ଯେ ଡେମୋକ୍ରାଟ ପାର୍ଟି ଲୋକଙ୍କ ଠାରୁ ଭୋଟ ଦେବାର ଅଧିକାର ଛଡ଼େଇ ନେବାକୁ ଚାହୁଁଛି।
ସୂଚନାଯୋଗ୍ୟ, କିଛି ଦିନ ପୂର୍ବରୁ ପେନସିଲଭାନିଆର ସମାନ ସ୍ଥାନରେ ନିର୍ବାଚନ ରାଲିରେ ଟ୍ରମ୍ପଙ୍କୁ ଗୁଳି କରାଯାଇଥିଲା। ଗୁଳିକାଣ୍ଡ ପରେ ସେ ଯେଉଁଠାରୁ ତାଙ୍କର ଭାଷଣ ଛାଡିଥିଲେ ପୁଣି ସେଇଠୁ ଆରମ୍ଭ କରିଥିଲେ। ଆମେ ଆପଣଙ୍କୁ କହିବୁ ଯେ ଜୁଲାଇ ୧୩ରେ ଯେତେବେଳେ ଟ୍ରମ୍ପ ତାଙ୍କ ଭାଷଣ ଦେଉଥିଲେ, ସେତେବେଳେ ତାଙ୍କ ଉପରକୁ ଗୁଳି ଚାଳନା କରାଯାଇଥିଲା।
ଜୁଲାଇରେ ହୋଇଥିବା ହତ୍ୟା ଉଦ୍ୟମକୁ ମନେ ପକାଇ ସେ କହିଛନ୍ତି, ମୁଁ କେବେ ହାର ମାନିବି ନାହିଁ। ମୁଁ କଦାପି ମୁଣ୍ଡ ନୁଆଁଇବି ନାହିଁ। ମୁଁ କଦାପି ଭାଙ୍ଗିବି ନାହିଁ। ମୃତ୍ୟୁକୁ କେବେ ଭୟ କରିବି ନାହିଁ।
ସୂଚନାଯୋଗ୍ୟ, ଚଳିତ ବର୍ଷ ନଭେମ୍ବର ୫ରେ ଆମେରିକାରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବ।