ବେଙ୍ଗାଲୁରୁ,୨୯।୨: ମହିଳା ପ୍ରିମିୟର ଲିଗ ୨୦୨୪ର ଷଷ୍ଠ ମ୍ୟାଚ ମୁମ୍ବାଇ ଇଣ୍ଡିଆନ୍ସ ଏବଂ ୟୁପି ୱାରିୟର୍ସ ମଧ୍ୟରେ ଖେଳାଯାଇଥିଲା। ଏହି ମ୍ୟାଚ୍ରେ ୟୁପି ଚମତ୍କାର ପ୍ରଦର୍ଶନ କରି ୭ ଇକେଟ ଜିତିଥିଲା। ମ୍ୟାଚ ସମୟରେ ଏକ ଆଶ୍ଚର୍ଯ୍ୟଜନକ ଦୃଶ୍ୟ ଦେଖିବାକୁ ମିଳିଥିଲା। ୟୁପି-ମୁମ୍ବାଇ ମ୍ୟାଚ ସମୟରେ ଜଣେ ବ୍ୟକ୍ତି ପଡ଼ିଆରେ ପ୍ରବେଶ କରିଥିଲେ। ସେ ସୁରକ୍ଷା କର୍ମୀଙ୍କୁ ଭେଦ କରି ପିଚ ନିକଟରେ ପହଞ୍ଚିଥିଲେ। ଏହା ଦେଖି ୟୁପି ଅଧିନାୟକ ଆଲିସା ହେଲି ତାଙ୍କୁ ଅଟକାଇଲେ। ଆଲିସା ତାଙ୍କୁ ପିଚ ଯିବାକୁ ଦେଇ ନ ଥିଲେ।
ବେଙ୍ଗାଲୁରୁରେ ଖେଳାଯାଇଥିବା ମ୍ୟାଚରେ ୟୁପି ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଏହି ସମୟରେ ମୁମ୍ବାଇ ଦଳ ପ୍ରଥମେ ବ୍ୟାଟିଂ ପାଇଁ ପଡ଼ିଆରେ ପହଞ୍ଚିଥିଲା। ମୁମ୍ବାଇର ଇନିଂସ ସମୟରେ ଜଣେ ବ୍ୟକ୍ତି ସୁରକ୍ଷା ଭଙ୍ଗ କରି ପଡ଼ିଆରେ ପହଞ୍ଚିଥିଲେ। ଏହା ଦେଖି ଆଲିସା ହେଲି ପିଚ ନିକଟରେ ପହଞ୍ଚିବା ମାତ୍ରେ ତାଙ୍କୁ ଅଟକାଇେ। ଆଲିସା ଅନୁଭବ କରିଥିଲେ ଯେ ସେ ପିଚକୁ କ୍ଷତି ପହଞ୍ଚାଇ ପାରନ୍ତି। ଏହି କାରଣରୁ ତାଙ୍କୁ ତୁରନ୍ତ ଅଟକାଇ ଦେଇଥିଲେ ଏବଂ ଏହା ପରେ ସୁରକ୍ଷା କର୍ମୀମାନେ ତାଙ୍କୁ ବାହାରକୁ ନେଇଥିଲେ।
ଏହିପରି ଦୃଶ୍ୟ ପୂର୍ବରୁ କ୍ରିକେଟ ମ୍ୟାଚରେ ମଧ୍ୟ ଦେଖିବାକୁ ମିଳେ। ଟିମ ଇଣ୍ଡିଆର ଏକ ମ୍ୟାଚ୍ରେ ରୋହିତ ଶର୍ମାଙ୍କ ପ୍ରଶଂସକ ପଡ଼ିଆରେ ପହଞ୍ଚିଥିଲେ। ବିରାଟ କୋହଲିଙ୍କ ଜଣେ ପ୍ରଶଂସକ ମଧ୍ୟ ଏହା କରିଛନ୍ତି।
Healy ma'am i was not aware of your game 😭🔥 pic.twitter.com/5o0HX8LrgA
— Bleed Blue (@CricCrazyVeena) February 28, 2024
