ରାୟପୁର,୧୩।୧୧ : ଦୀପାବଳି ପରଦିନ ଗୌରା-ଗୌରୀଙ୍କୁ ପୂଜା କରିବାର ପରମ୍ପରା ରହିଛି। ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବଘେଲ ନିଜେ ପ୍ରତ୍ୟେକ ଥର ଏହି ରୀତିନୀତିର ଏକ ଅଂଶ ହୋଇଥାନ୍ତି। ଏହି କାରଣରୁ, ରବିବାର ରାତିରେ ଦୀପାବଳି ପାଳନ କରାଯିବା ପରେ ସୋମବାର ସକାଳେ ସମାନ ରୀତିନୀତି ଅନୁଯାୟୀ ସିଏମ ଭୁପେଶ ଗୌରା-ଗୌରୀ ପୂଜା ପାଇଁ ଦୁର୍ଗ ଜିଲାର ଜାଞ୍ଜଗିରରେ ପହଞ୍ଚି ସେଠାରେ ପ୍ରାର୍ଥନା କରିଥିଲେ ଏବଂ ଲୋକଙ୍କ ସୁଖ ଓ ସମୃଦ୍ଧି କାମନା କରିଥିଲେ। ଏହି ସମୟରେ ସିଏମଙ୍କ ହାତରେ ପରମ୍ପରା ଅନୁସାରେ ଚାବୁକ୍ ମାଡ କରାଯାଇଥିଲା। ଛତିଶଗଡର ଲୋକମାନଙ୍କର ବିଶ୍ୱାସ ଅଛି ଏହା ଦ୍ୱାରା ଦୁର୍ଭାଗ୍ୟକୁ ଦୂର ହୋଇ ସମୃଦ୍ଧି ଆସିଥାଏ।
ତେବେ ମୁଖ୍ୟମନ୍ତ୍ରୀଙ୍କୁ ଚାବୁକ୍ ମାଡ ହେଉଥିବାରୁ ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି।
ଚାବୁକ୍ ମାଡ ପଛର କାରଣ ବର୍ଣ୍ଣନା କରି ସିଏମ ବଘେଲ କହିଛନ୍ତି ଜଣେ ବ୍ୟକ୍ତି ଯେତେ ବଡ଼ ହେଲେ ମଧ୍ୟ ଗୌରା-ଗୌରୀ ସାମ୍ନାରେ ସମସ୍ତେ ସମାନ ।