ଜେନେଭା,୧୩ ।୩: ବିଶ୍ୱ ସ୍ୱାସ୍ଥ୍ୟ ସଙ୍ଗଠନ(ଡବ୍ଲୁଏଚଓ)ର ମୁଖ୍ୟ ଟେଡ୍ରୋସ ଅଧନାଁମ ଘେବ୍ରୟେସସ କହିଛନ୍ତି କୋଭିଡ ୧୯ର ଉତ୍ପତ୍ତକୁ ଖୋଜିବା ଏକ ନୈତିକ ଅନିବାର୍ଯ୍ୟତା । ଏହାସହ ଜଡିତ ସମସ୍ତ ପରିକଳ୍ପନାର ଯାଞ୍ଚ କରିବା ଦରକାର ।
ୱାର୍ଲ ଷ୍ଟ୍ରିଟ ଜର୍ନାଲ ଏକ ଆମେରିକୀୟ ଏଜେନ୍ସି ରିପୋର୍ଟକୁ ଦର୍ଶାଇ କହିଛି ଯେ ଚାଇନାର ଏକ ଲାବୋରୋଟୋରୀରୁ ଏହି ଜୀବାଣୁ ଲିକ ହେତୁ ଅଜାଣତରେ ଏହି ଭାଇରସ ବ୍ୟାପିଛି । ଏହି ଆକଳନ ପରେ ଡବ୍ଲୁଏଚଓ ଉପରେ ପ୍ରତିକ୍ରିୟା ରଖିବାକୁ ଚାପ ବୃଦ୍ଧି ପାଇଛି । ଏଥି ସହିତ କ୍ରମାଗତ ଭାବେ ଏ ବାବାଦରେ ବେଜିଂ କୌଣସି ପ୍ରକାର ଅନୁସନ୍ଧାନକୁ ମନା କରୁଛି । ଗେବ୍ରୟେସସ ଶନିବାର ଟୁଇଟରେ ଲେଖିଛନ୍ତି ଯେ କୋଭିଡ ୧୯ର ଉତ୍ପତ୍ତିକୁ ବୁଝିବାକୁ ଓ ସମସ୍ତ ଅନୁମାନ ଅନୁସନ୍ଧାନ କରିବା ଏକ ବୈଜ୍ଞାନିକ ଜରୁରୀ ଅଟେ ।
କୋଭିଡରେ ପ୍ରାଣ ହରାଇଥିବା ଲୋକଙ୍କ ପାଇଁ ଓ ଭବିଷ୍ୟତରେ ଏହାକୁ ରୋକିବାକୁ ଏହା ଏକ ନୈତିକ ଅନିର୍ବାର୍ଯ୍ୟତା । ଶନିବାର କୋଭିଡକୁ ମହାମାରୀ ଘୋଷଣା ହେବା ୩ ବର୍ଷ ପୂରଣ ହୋଇଛି । ଏହି ପରିପ୍ରେକ୍ଷିରେ, ବିଶ୍ୱବ୍ୟାପି ଚାହିଦା ରହିଛି ଯେ ଏହିପରି ମହାମାରୀକୁ ରୋକିବାକୁ ଡବ୍ଲୁଏଚଓ ପଦକ୍ଷେପ ଉପରେ ଗୁରୁତ୍ୱ ଦେବା ଉଚିତ ।