ଜେନେଭା/ନୂଆଦିଲ୍ଲୀ,୨୬।୪: ବିଶ୍ୱ ସ୍ବାସ୍ଥ୍ୟ ସଂଗଠନ(ଡବ୍ଲୁଏଚଓ) ମଙ୍ଗଳବାର କହିଛି ଭାରତୀୟ କମ୍ପାନୀ ଦ୍ୱାରା ନିର୍ମିତ ଆଉ ଏକ କଫ ସିରପ ମାର୍ଶଲ ଦ୍ୱିପ ଓ ମାଇକ୍ରୋନେସିଆରେ ଦୂଷିତ ମିଳିଛି।
ବିଷ୍ବ ସ୍ବାସ୍ଥ୍ୟ ସଙ୍ଗଠନ (ଡବ୍ଲୁଏଚଓ) ମେଡିକାଲ ଆଲର୍ଟ ଜାରି କରି କହିଛି ଭାରତରେ ନିର୍ମିତ ଗୁଏଫେନୋସିନ କଫ ସିରପ ଦୂଷିତ ଅଟେ। ଡବ୍ଲୁଏଚଓ ସୂଚନା ଦେଇଛି କି ପଞ୍ଜାବର କ୍ୟୁପି ଫାର୍ମାକମ ଲିମିଟେଡ କମ୍ପାନୀ ଏହି କଫ ସିରପର ଉତ୍ପାଦନ କରୁଛି।
କ୍ୟୁପି ଫାର୍ମାକମ ଲିମିଟେଡର ପ୍ରବନ୍ଧ ନିର୍ଦ୍ଦେଶକ ସୁଧିର ପାଠକ କହିଛନ୍ତି, ପଞ୍ଜାବର ଫୁଡ ଆଣ୍ଡ ଡ୍ରଗ ଆଡମିନଷ୍ଟ୍ରେଶନ ସନ୍ଦେହ କରୁଛି କି କେହି ଭାରତ ସରକାରଙ୍କୁ ବଦନାମ କରିବାକୁ କାମ୍ବୋଡିଆ ପଠାଯାଇଥିବା ଉତ୍ପାଦକୁ ବା କଫ ସିରପକୁ ନକଲ କରିଛି ଓ ପରେ ଏହାକୁ ମାର୍ଶଲ ଦ୍ୱିପ ଓ ମାଇକ୍ରୋନେସିଆ ପଠାଇ ଦେଇଛି। ଏଫଡିଏ ବିଭାଗ ଯାଞ୍ଚ ପାଇଁ କାମ୍ବୋଡିଆ ପଠାଯାଇଥିବା କଫ ସିରପର ସାମ୍ପଲ ନେଇଛନ୍ତି। କଫ ସିରପର ମୋଟ ୧୮,୩୩୬ ବୋତଲ ପଠାଯାଇଛି।