ମୁମ୍ବାଇ: ଭାରତୀୟ କ୍ରିକେଟ ଦଳର ଷ୍ଟାର ସ୍ପିନର ୟୁଜବେନ୍ଦ୍ର ଚହଲ ହୁଏତ କେବେ କଳ୍ପନା କରି ନ ଥିବେ ଯେ ବିବାହର ମାତ୍ର ଚାରି ବର୍ଷ ପରେ ତାଙ୍କ ବ୍ୟକ୍ତିଗତ ଜୀବନ ନଷ୍ଟ ହୋଇଯିବ। ଧନଶ୍ରୀ ବର୍ମାଙ୍କ ସହ ତାଙ୍କର ଛାଡପତ୍ର ଗୁଜବ ଇଣ୍ଟରନେଟରେ ହଇଚଇ ସୃଷ୍ଟି କରିଛି। ଲୋକମାନେ ସୋସିଆଲ ମିଡିଆରେ ଏପରି ଦାବି ମଧ୍ୟ କରୁଛନ୍ତି ଯେ ଧନଶ୍ରୀ କେବଳ ଟଙ୍କା ଏବଂ ପ୍ରସିଦ୍ଧି ପାଇଁ ୟୁଜବେନ୍ଦ୍ର ଚହଲଙ୍କୁ ବିବାହ କରିଥିଲେ। ନିକଟରେ ଚହଲଙ୍କୁ ଜଣେ ‘ମିଷ୍ଟ୍ରି ଗର୍ଲ’ ସହିତ ଦେଖିବାକୁ ମିଳିଥିଲା, କିନ୍ତୁ ଏବେ ଧନଶ୍ରୀ ବର୍ମାଙ୍କ ‘ମିଷ୍ଟ୍ରି ମ୍ୟାନ୍’ ବିଷୟଟି ଏକ ଅଲଗା ଆଲୋଚନାର ବିଷୟ ପାଲଟିଛି।
ଧନଶ୍ରୀ ପେଶାରେ ଜଣେ ନୃତ୍ୟଶିଳ୍ପୀ, କୋରିଓଗ୍ରାଫର ଏବଂ ଦନ୍ତ ଚିକିତ୍ସକ ମଧ୍ୟ। ଗୋଟିଏ ପଟେ ତାଙ୍କର ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲଙ୍କ ସହ ଛାଡପତ୍ର ଗୁଜବ ଶୀର୍ଷରେ ଥିବା ବେଳେ ଅନ୍ୟପକ୍ଷରେ ଅନ୍ୟ ଜଣେ ପେସାଦାର ନୃତ୍ୟଶିଳ୍ପୀ ପ୍ରତୀକ ଉତେକରଙ୍କ ସହ ତାଙ୍କର ଫଟୋ ନିଆଁ ପରି ବ୍ୟାପିବାରେ ଲାଗିଛି। ଏହି ଭାଇରାଲ ଫଟୋରେ, ପ୍ରତୀକ ଉତେକର ଏବଂ ଧନଶ୍ରୀ ବର୍ମା ନିକଟତର ଭାବରେ ଫଟୋ କ୍ଲିକ କରିଛନ୍ତି। ଏହି ଫଟୋ ଆଧାରରେ ଅନେକ ଲୋକ ଦାବି କରୁଛନ୍ତି ଯେ ଚହଲଙ୍କ ଘର ଭାଙ୍ଗିବା ପଛରେ ପ୍ରତୀକ ଉତେକର ହିଁ କାରଣ।
ଏହି ସମ୍ପୂର୍ଣ୍ଣ ଘଟଣା ଉପରେ ପ୍ରତିକ୍ରିୟା ପ୍ରକାଶ କରି ପ୍ରତୀକ ଉତେକର କ୍ଷୋଭ ପ୍ରକାଶ କରିଥିଲେ। ପ୍ରତୀକ ନିଜେ ବୃତ୍ତିରେ ଜଣେ ନୃତ୍ୟଶିଳ୍ପୀ । ସେ ଏକ ଇନଷ୍ଟାଗ୍ରାମ ଷ୍ଟୋରୀ ମାଧ୍ୟମରେ ସେ କହିଛନ୍ତି, ଦୁନିଆ ଏତେ ମୁକ୍ତ ଯେ ଲୋକମାନେ କେବଳ ଗୋଟିଏ ଫଟୋରେ ଭିନ୍ନ ଭିନ୍ନ କାହାଣୀ ସୃଷ୍ଟି କରନ୍ତି।
