ଓ୍ବାଶିଂଟନ୍,୧୬।୭: ଚଳିତ ବର୍ଷ ନଭେମ୍ବରରେ ଆମେରିକାରେ ହେବାକୁ ଥିବା ସାଧାରଣ ନିର୍ବାଚନରେ ଓହିଓ ସିନେଟର ଜେଡି ଭାନ୍ସ ମଧ୍ୟ ତାଙ୍କ ଭାଗ୍ୟ ପରୀକ୍ଷା କରିବେ। ରିପବ୍ଲିକାନ ନେତା ତଥା ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାନ୍ସଙ୍କୁ ତାଙ୍କ ଉପରାଷ୍ଟ୍ରପତି ପ୍ରାର୍ଥୀ ଭାବରେ ଚୟନ କରିଛନ୍ତି। ୩୯ ବର୍ଷିୟ ଭାନ୍ସ ଭାରତୀୟ ମୂଳ ଉଷା ଚିଲୁକୁରି ଭାନ୍ସଙ୍କୁ ବିବାହ କରିଛନ୍ତି। ଉଷା ଆନ୍ଧ୍ରପ୍ରଦେଶର ମୂଳ ବାସିନ୍ଦା। ୩୯ ବର୍ଷିୟ ଜେଡି ଭାନ୍ସ ଟ୍ରମ୍ପଙ୍କୁ ଜଣେ କଠୋର ସମାଲୋଚକ ଥିଲେ, କିନ୍ତୁ ବର୍ତ୍ତମାନ ପୂର୍ବତନ ରାଷ୍ଟ୍ରପତିଙ୍କ ଜଣେ ସମର୍ଥକ ହୋଇପାରିଛନ୍ତି।
୨୦୧୬ରେ ରାଷ୍ଟ୍ରପତି ନିର୍ବାଚନ ସମୟରେ ଜେଡି ଭାନ୍ସ ଡୋନାଲ୍ଡ ଟ୍ରମ୍ପଙ୍କୁ କଡ଼ା ସମାଲୋଚନା କରିଥିଲେ। ସେ ସର୍ବସାଧାରଣରେ ଟ୍ରମ୍ପଙ୍କୁ ମୂର୍ଖ ବୋଲି କହିଥିଲେ। ଏହି ସମୟରେ ତାଙ୍କୁ ଆଡଲଫ ହିଟଲରଙ୍କ ସହ ତୁଳନା କରାଥିଲେ। କିନ୍ତୁ ଆଜି ସେ ଟ୍ରମ୍ପଙ୍କ ବିଶ୍ୱାସଭାଜନ ହୋଇଛନ୍ତି।
ଜେଡି ଭାନ୍ସ ଆମେରିକାର ଓହିଓ ରାଜ୍ୟରୁ ସିନେଟର ଅଛନ୍ତି। ୨୦୧୬ରେ ଜେଡି ତାଙ୍କ ସ୍ମୃତି ହିଲବିଲି ଏଲଜେି ପ୍ରକାଶନ ପରେ ଚର୍ଚ୍ଚାକୁ ଆସିଥିଲେ। ସେ ୨୦୨୨ରେ ସିନେଟକୁ ନିର୍ବାଚିତ ହୋଇଥିଲେ।
ଜେଡି ଭାନ୍ସ ତାଙ୍କ ପ୍ରାରମ୍ଭିକ କ୍ୟାରିୟରର ସଫଳତା ପାଇଁ ସ୍ତ୍ରୀଉଷା ଚିଲୁକୁରିଙ୍କୁ ଶ୍ରେୟ ଦେଇଛନ୍ତି। ତାଙ୍କ କ୍ୟାରିୟରରେ ସମର୍ଥନ ପାଇଁ ସେ ପ୍ରାୟତଃ ଉଷାଙ୍କୁ ପ୍ରଶଂସା କରନ୍ତି। ଉଷା ଏବଂ ଭାନ୍ସ ଏକାଠି ପାଠ ପଢୁଥିଲେ।