ନୂଆଦିଲ୍ଲୀ,୪।୨: ଅଷ୍ଟ୍ରେଲିଆ ଦଳ ଭାରତ ଗସ୍ତରେ ଟେଷ୍ଟ ସିରିଜ ପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ୪ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ ପୂର୍ବରୁ ଅଷ୍ଟ୍ରେଲିଆ ଦଳ ଏକ ସ୍ବତନ୍ତ୍ର ବୋଲରଙ୍କ ସହ ଅଭ୍ୟାସ କରୁଛି। ବୋଲରଜଣଙ୍କ ହେଉଛନ୍ତି ମହେଶ ପିଥିୟା। ତାଙ୍କୁ ନକଲି ରବିଚନ୍ଦ୍ରନ ଅଶ୍ୱିନ ବୋଲି କୁହାଯାଉଛି। ଅଶ୍ୱିନଙ୍କ ବୋଲିଂ ସାମ୍ନା କରିବା ପୂର୍ବରୁ ଅଷ୍ଟ୍ରେଲିଆ ବ୍ୟାଟ୍ସମ୍ୟାନ୍ମାନେ ତାଙ୍କ ଭଳି ବୋଲିଂ କରୁଥିବା ମହେଶଙ୍କ ସହ ଅଭ୍ୟାସ କରୁଛନ୍ତି।
୨୦୦୪ ପରଠାରୁ ଭାରତରେ କୌଣସି ଟେଷ୍ଟ ସିରିଜ ଜିତିନାହିଁ ଅଷ୍ଟ୍ରେଲିୟ ଟିମ୍। ଏମିତିରେ ଆଗକୁ ହେବାକୁ ଥିବା ବର୍ଡର-ଗାଭାସ୍କର ଟ୍ରଫି ଉପରେ ଦଳର ନଜର ରହିଛି। ବିଶେଷକରି ଭାରତୀୟ ଅଫ୍ ସ୍ପିନର ରବିଚନ୍ଦ୍ରନ ଅଶ୍ୱିନଙ୍କୁ ମୁକାବିଲା କରିବା ଲାଗି ଅଷ୍ଟ୍ରେଲିୟ ଟିମ୍ ପ୍ରସ୍ତୁତି ଚଳାଇଛନ୍ତି। ସ୍ପିନ ବୋଲିଂକୁ ଧ୍ୟାନ ଦିଆଯାଉଥିବାରୁ ପିଥିୟା ନେଟ୍ ବୋଲର ଭାବେ ଯୋଗ ଦେଇଛନ୍ତି।
ମହେଶ ପିଥିୟା କିଏ?
ଗୁଜରାଟର ଜୁନାଗଡ଼ର ପିଥିୟା ୧୧ ବର୍ଷ ବୟସ ପୂର୍ବରୁ ଅଶ୍ୱିନଙ୍କୁ ବୋଲିଂ କରିବା ଦେଖି ନ ଥିଲେ। କାରଣ ତାଙ୍କ ଘରେ ଟେଲିଭିଜନ ନ ଥିଲା। ସେ ୨୦୧୩ରେ ପ୍ରଥମ ଥର ପାଇଁ ଓ୍ବେଷ୍ଟଇଣ୍ଡିଜ ବିପକ୍ଷରେ ଅଶ୍ୱିନଙ୍କ ବୋଲିଂ ଦେଖିଥିଲେ। ସେହିଦିନଠାରୁ ସେ ଅଶ୍ୱିନଙ୍କୁ ଆଦର୍ଶ ବୋଲି ଭାବି ଆସୁଛନ୍ତି। ଡିସେମ୍ବରରେ ସେ ବରୋଦା ପାଇଁ ଫାଷ୍ଟ କ୍ଲାସ କ୍ରିକେଟରେ ଡେବ୍ୟୁ କରିଥିଲେ। ଅଷ୍ଟ୍ରେଲିୟ ଟିମ୍ ସୋସିଆଲ ମିଡିଆରେ ତାଙ୍କ ଫୁଟେଜ ଦେଖିବା ପରେ ମହେଶଙ୍କୁ ଡକାଇଥିଲେ।
How are the Aussies preparing for @ashwinravi99 ahead of their upcoming Test series with India? Well, they’ve only gone and flown in a near carbon copy of the star off-spinner as a net bowler | #INDvAUS pic.twitter.com/l9IPv6i43j
— cricket.com.au (@cricketcomau) February 3, 2023
