ହାଇଦ୍ରାବାଦ,୨୯।୯: ଦିନିକିଆ ବିଶ୍ୱକପ୍ ଲାଗି ଭାରତରେ ପହଞ୍ଚି ସାରିଛି ପାକିସ୍ତାନ କ୍ରିକେଟ ଟିମ୍। ଦଳ ପହଞ୍ଚିବାର ୧୨ ଘଣ୍ଟା ପରେ ନିଜର ପ୍ରଥମ ଅଭ୍ୟାସ ସେଶନ୍ରେ ଭାଗ ନେଇଥିଲା। ଏହି ସମୟରେ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିଲେ ହାଇଦ୍ରାବାଦର ୬ଫୁଟ ୯ ଇଞ୍ଚ ଲମ୍ବର ଦ୍ରୁତ ବୋଲର ନିଶାନ୍ତ ସରନୁ। ହାଇଦ୍ରାବାଦର ଅଣ୍ଡର-୧୯ ଟିମ୍ରେ ସାମିଲ ନିଶାନ୍ତ ନେଟ୍ ବୋଲର ଭାବେ ପାକିସ୍ତାନ ଦଳକୁ ଅଭ୍ୟାସ କରାଇବାରେ ସହାୟତା କରୁଛନ୍ତି।
ପାକିସ୍ତାନର ଅଭ୍ୟାସ ସମୟରେ ହାରିସ ରଉଫ ଏବଂ ଶାହିନ ଶାହା ଆଫ୍ରିଦି ପ୍ରଥମେ ବୋଲିଂ କରିଥିଲେ। ଏହାପରେ ପାକିସ୍ତାନର ବୋଲିଂ କୋଚ୍ ମୋର୍ନେ ମୋର୍କଲ ସମେତ ସହଯୋଗୀ କର୍ମଚାରୀ ନିଶାନ୍ତଙ୍କୁ ବୋଲିଂ ଲାଗି ଡାକିଥିଲେ। ପରେ ତାଙ୍କ ବୋଲିଂ ଦେଖି ପାକିସ୍ତାନର ବ୍ୟାଟ୍ସମ୍ୟାନ୍ ମଧ୍ୟରେ ଚକିତ ହୋଇଥିବା ଜଣାପଡ଼ିଛି।
ଏନେଇ ପଚରାଯିବାରେ ନିଶାନ୍ତ କହିଛନ୍ତି, ମୁଁ ଦ୍ରୁତ ବୋଲର ମାଇକେଲ ଷ୍ଟାର୍କ ଏବଂ ପ୍ୟାଟ୍ କମିନ୍ସଙ୍କୁ ଆଦର୍ଶ ଭାବେ। ଏବେ ମୁଁ ଘଣ୍ଟାପ୍ରତି ୧୨୫ରୁ ନେଇ ୧୩୦ କିମି ବେଗରେ ବୋଲିଂ କରିପାରୁଛି। ମୋର୍ନେ ମାର୍କେଲ ମୋତେ ବେଗ ବଢ଼ାଇବାକୁ କହିଛନ୍ତି। ଏପରିକି ସେ ମୋତେ ଆଇପିଏଲ୍ ଫ୍ରାଞ୍ଚାଇଜ୍ ‘ଲକ୍ଷ୍ନୌ ସୁପର ଜିଆଣ୍ଟ୍ସ’ର ନେଟ୍ ଅଭ୍ୟାସ ସମୟରେ ଉପଲବ୍ଧ ରହିବେ କି ନାହିଁ ବୋଲି ପଚାରିଥିବା ସେ କହିଛନ୍ତି।
