ନୂଆଦିଲ୍ଲୀ,୨୩।୧: ଅଷ୍ଟ୍ରେଲିଆ ଗସ୍ତରେ ଉଲ୍ଲେଖନୀୟ ପ୍ରଦର୍ଶନ ପରେ ଇଂଲଣ୍ଡ ସହ ଘରୋଇ ଟେଷ୍ଟ ଖେଳିବାକୁ ପ୍ରସ୍ତୁତ ଭାରତୀୟ ଟିମ୍। ଆସନ୍ତା ଫେବୃୟାରୀ ୫ରୁ ଚେନ୍ନାଇରେ ପ୍ରଥମ ମ୍ୟାଚ୍ ଖେଳାଯିବ। କିଛିଦିନ ପୂର୍ବରୁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ପ୍ରଥମ ଦୁଇ ଟେଷ୍ଟ ପାଇଁ ୧୮ ସଦସ୍ୟ ବିଶିଷ୍ଟ ଟିମ୍, ୫ଜଣ ନେଟ୍ ବୋଲର୍ ଏବଂ ସୁରକ୍ଷିତ ଖେଳାଳିଙ୍କ ତାଲିକା ପ୍ରକାଶ କରିଥିଲା। ଉକ୍ତ ୫ଜଣ ନେଟ୍ ବୋଲରଙ୍କ ମଧ୍ୟରେ ଜଣେ ଥିଲେ ସୌରଭ କୁମାର। ଏହି ୨୭ ବର୍ଷୀୟ ବାମହାତି ସ୍ପିନର ଏବେ ସମସ୍ତ କ୍ରିକେଟ ପ୍ରଶଂସକଙ୍କ ମଧ୍ୟରେ ଚର୍ଚ୍ଚାର କାରଣ ପାଲଟିଛନ୍ତି।
କ୍ରିକେଟ ଜଗତରେ ଜଣାଶୁଣା ନାମ ନହେଲେ ବି ସୌରଭ ଅନ୍ତରାଷ୍ଟ୍ରୀୟସ୍ତରରେ ଚମକିବାର କ୍ଷମତା ରଖିଛନ୍ତି। ଘରୋଇ କ୍ରିକେଟରେ ସେ ଭଲ ପ୍ରଦର୍ଶନ କରିଛନ୍ତି। ୨୦୧୫ରେ ସେ ଉତ୍ତରପ୍ରଦେଶ ପାଇଁ ଡେବ୍ୟୁ କରିଥିଲେ। ସେ ୪୪ ଫାଷ୍ଟ କ୍ଲାସ କ୍ରିକେଟ୍ ଖେଳି ୧୯୨ ଉଇକେଟ ନେଇଥିଲେ। ୧୬ଥର ସେ ଗୋଟିଏ ପାଳିରେ ୫ ଉଇକେଟ ନେଇଥିବା ବେଳେ ୬ ଥର ୫ରୁ ଅଧିକ ଉଇକେଟ ହାସଲ କରିଛନ୍ତି। ୨୦୧୭ରେ ସୌରଭଙ୍କୁ ଆଇପିଏଲ୍ ଲାଗି ଚୟନ କରାଯାଇଥିଲା। ହେଲେ ତାଙ୍କୁ ମ୍ୟାଚ୍ ଖେଳିବାର ସୁଯୋଗ ମିଳି ନ ଥିଲା।