ଦୁବାଇ,୪।୧୦:ଆଇପିଏଲ ୨୦୨୧ରେ ପଞ୍ଜାବ କିଙ୍ଗସ ଏବଂ କୋଲକାତା ନାଇଟ ରାଇଡର୍ସ ମଧ୍ୟରେ ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମରେ ୧ ଅକ୍ଟୋବର ସାରେ ଏକ ରୋମାଞ୍ଚକର ମ୍ୟାଚ ଖେଳାଯାଇଥିଲା। ଏହି ମ୍ୟାଚରେ, କେ.ଏଲ ରାହୁଲଙ୍କ ଚମତ୍କାର ବ୍ୟାଟିଂ ଯୋଗୁ ପିବିଏକେ କେକେଆରକୁ ୫ ଉଇକେଟରେ ପରାସ୍ତ କରିଛି। ଏହି ଖେଳର ଫଳାଫଳ ଯାହା ହୋଇଥାଇପାରେ, କିନ୍ତୁ ଷ୍ଟାଣ୍ଡରେ ଜଣେ ସୁନ୍ଦର ପ୍ରଶଂସକ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ।
ଏହି ସୁପରହିଟ ମ୍ୟାଚ ସମୟରେ ପଞ୍ଜାବ କିଙ୍ଗ୍ସର ସହ-ମାଲିକାଣୀ ପ୍ରୀତି ଜିଣ୍ଟାଙ୍କ କୋଳରେ ଏକ ସୁନ୍ଦର ଶିଶୁ ଦେଖିବାକୁ ମିଳିଥିଲା। ପ୍ରଶଂସକମାନେ ବୁଝିବାକୁ ଅସମର୍ଥ ହେଲେ ଏହି ଶିଶୁଟି କିଏ? ଏହା ଦେଖି ସୋସିଆଲ ମିଡିଆରେ ଏହି ଶିଶୁର ଫଟୋ ଅଧିକ ଭାଇରାଲ ହେଲା।
ଫଟୋ ଭାଇରାଲ ହେବା ପରେ ପ୍ରୀତି ଜିଣ୍ଟାଙ୍କ କୋଳରେ ବସିଥିବା ଏହି ଛୋଟ ପିଲା ପଞ୍ଜାବ କିଙ୍ଗ୍ସ ଦଳର ଖେଳାଳି କିମ୍ବା ମ୍ୟାନେଜମେଣ୍ଟର ସଦସ୍ୟ ହୋଇପାରେ ବୋଲି କଳ୍ପନାଜଳ୍ପନା ଚାଲିଥିଲା। କିନ୍ତୁ ପଞ୍ଜାବ କିଙ୍ଗସ ଦଳର କ୍ରିକେଟର ମନଦୀପ ସିଂଙ୍କ ଇନଷ୍ଟାଗ୍ରାମ ଫଟୋକୁ ଦେଖିବା ପରେ ଏହା ଜଣାପଡିଲା ଯେ ଏହା ହେଉଛି ତାଙ୍କ ପୁଅ ରାଜଭୀର ସିଂ। ସେ ୧୬ ଜାନୁୟାରୀ ୨୦୨୧ରେ ଜନ୍ମ ହୋଇଥିଲେ। ମନଦୀପ ୨୦୧୬ ମସିହାରେ ଜଗଦୀପ ଜସୱାଲଙ୍କୁ ବିବାହ କରିଥିଲେ।