ମୁମ୍ବାଇ: ବଲିଉଡ୍ର ଅନେକ ଅଭିନେତ୍ରୀ ଅଛନ୍ତି, ଯେଉଁମାନେ ହଲିଉଡ୍ ଫିଲ୍ମରେ କାମ କରି ବେଶ୍ ନାଁ କମାଇଛନ୍ତି। ବେଳେବେଳେ ଏମିତି ହୋଇଛି ଏହି ଅଭିନେତ୍ରୀମାନଙ୍କ ମଧ୍ୟରୁ କେତେଜଣ ହଲିଉଡ୍ର ବଡ଼ ପ୍ରୋଜେକ୍ଟର ଫିଲ୍ମକୁ ବି ଅଗ୍ରାହ୍ୟ କରିଥିଲେ। ଏହା ପଛରେ କିଛି କାରଣ ବି ରହିଛି। ଖରାପ ଷ୍ଟାର୍ କାଷ୍ଟ୍, କାହାଣୀ, ସ୍କ୍ରିପ୍ଟ କିମ୍ବା ନିର୍ଦ୍ଦେଶକଙ୍କ ସାଙ୍ଗରେ କାମ କରିବା ଇତ୍ୟାଦି। କିଛି ସେଲିବ୍ରିଟି ଅଜବ କାରଣ ଦର୍ଶାଇ ବି ହଲିଉଡ୍ ଫିଲ୍ମ ରିଜେକ୍ଟ କରିଥିଲେ। ଏକଥା ଜଣାପଡ଼ିବା ପରେ ସୋସିଆଲ ମିଡିଆରେ ୟୁଜରମାନେ ଏହି ସେଲିବ୍ରିଟିଙ୍କୁ ଟ୍ରୋଲ କରିଥିଲେ। ଜାଣନ୍ତୁ କେଉଁ ଅଭିନେତ୍ରୀମାନେ ହଲିଉଡ୍ ଫିଲ୍ମକୁ ରିଜେକ୍ଟ କରିଥିଲେ।
ଐଶ୍ୱର୍ଯ୍ୟା ରାୟ ବଚ୍ଚନ:
ହଲିଉଡ୍ ଫିଲ୍ମ ‘ଟୟ’ ୨୦୦୪ରେ ରିଲିଜ ହୋଇଥିଲା। ଏହି ଫିଲ୍ମରେ ଐଶ୍ୱର୍ଯ୍ୟାଙ୍କୁ ମୁଖ୍ୟ ଭୂମିକାରେ ଅଭିନୟ ପାଇଁ ଅଫର ମିଳିଥିଲା। ମାତ୍ର ଐଶ୍ ଏହି ଫିଲ୍ମକୁ ରିଜେକ୍ଟ କରିଦେଇଥିଲେ। କାରଣ ଅନ୍ତରଙ୍ଗ ସିନ୍ କରିବାକୁ ସେ ଅସହଜ ମନେ କରିଥିଲେ। ତେଣୁ ଫିଲ୍ମରେ କାମ କରିବାକୁ ମନା କରିଥିଲେ।
ପ୍ରିୟଙ୍କା ଚୋପ୍ରା:
ଫିଲ୍ମ ‘ଇମ୍ପୋର୍ଟାଲ୍ସ’ରେ ପ୍ରିୟଙ୍କାଙ୍କୁ ମୁଖ୍ୟ ଭୂମିକାରେ ଅଭିନୟ କରିବାକୁ ଅଫର ମିଳିଥିଲା। ପ୍ରିୟଙ୍କା ଏହାକୁ ରିଜେକ୍ଟ କରି ଦେଇଥିଲେ। କାରଣ ତାଙ୍କ ପାଖରେ ଡେଟ୍ ନ ଥିଲା। ସେତେବେଳେ ସେ ବଲିଉଡ୍ ଫିଲ୍ମ ‘ସାତ୍ ଖୁନ୍ ମାଫ’ ପ୍ରୋଜେକ୍ଟରେ ବ୍ୟସ୍ତ ଥିଲେ।
ଦୀପିକା ପାଦୁକୋନ:
ଫିଲ୍ମ ‘ଫାଷ୍ଟ ଆଣ୍ଡ୍ କ୍ୟୁରିୟସ ସାତ’ରେ ଦୀପିକାଙ୍କୁ ମୁଖ୍ୟ ଭୂମିକାରେ ଅଭିନୟ ପାଇଁ ଅଫର ମିଳିଥିଲା। ସେତେବେଳେ ତାଙ୍କ ନିକଟରେ ସମୟ ନ ଥିବାରୁ ସେ ଏହି ହଲିଉଡ୍ ଫିଲ୍ମରେ କାମ କରିବାକୁ ମନା କରିଥିଲେ।
