ନ୍ୟୁୟର୍କ,୧୨।୧୧: ବିଶ୍ୱ ସ୍ବାସ୍ଥ୍ୟ ସଂଗଠନ(ଡବ୍ଲ୍ୟୁଏଚଓ) ଶନିବାର କହିଛି ଯେ ଗାଜାର ଅଲ ଶିଫା ହସ୍ପିଟାଲରେ ଏହାର ଅଧିକାରୀଙ୍କ ସହ ଯୋଗାଯୋଗ କରିବାରେ ସମ୍ଭବ ହେଉନାହିଁ। ସୂଚନାଯୋଗ୍ୟ, ଉତ୍ତର ଗାଜାର ଅଲ ଶିଫା ହସ୍ପିଟାଲରେ ନିକଟରେ ୨୨ ଜଣଙ୍କର ମୃତ୍ୟୁ ଘଟିଥିଲା। ଡାକ୍ତରଖାନା ଉପରେ ହୋଇଥିବା ଆକ୍ରମଣ ପାଇଁ ଇସ୍ରାଏଲକୁ ବହୁ ସମାଲୋଚନା କରାଯାଇଥିଲା କିନ୍ତୁ ଇସ୍ରାଏଲ ଏହାକୁ ଅସ୍ବୀକାର କରି ଆତଙ୍କବାଦୀଙ୍କ ଦ୍ୱାରା କ୍ଷେପଣାସ୍ତ୍ର ଉତକ୍ଷେପଣ ହେତୁ ହସ୍ପିଟାଲକୁ ଆକ୍ରମଣ କରାଯାଇଥିବା ଦାବି କରିଥିଲା।
ବିଶ୍ୱ ସ୍ବାସ୍ଥ୍ୟ ସଂଗଠନ ଗାଜାର ପରିସ୍ଥିତିକୁ ନେଇ ଉଦବେଗ ପ୍ରକାଶ କରି ତୁରନ୍ତ ଯୁଦ୍ଧ ବନ୍ଦ କରିବାକୁ ନିବେଦନ କରିଛି। ଏହି ଆକ୍ରମଣ ପରଠାରୁ ଅଲ ଶିଫା ଡାକ୍ତରଖାନା କାର୍ଯ୍ୟ କରୁନାହିଁ ବୋଲି ଗାଜା ସ୍ବାସ୍ଥ୍ୟ ମନ୍ତ୍ରଣାଳୟ ଶନିବାର କହିଛି। ଡବ୍ଲ୍ୟୁଏଚଓ ଏହା ଉପରେ ଉଦବେଗ ପ୍ରକାଶ କରି ଡାକ୍ତରଖାନା ଉପରେ ହୋଇଥିବା ଆକ୍ରମଣକୁ ଦୃଢ ନିନ୍ଦା କରିଥିଲା। ହୁ କହିଛି ଯେ ସ୍ବାସ୍ଥ୍ୟ କର୍ମୀ, ଶିଶୁଙ୍କ ସମେତ ଶହ ଶହ ରୋଗୀ ଏବଂ ଆହତ ରୋଗୀ ଡାକ୍ତରଖାନାରେ ଅଛନ୍ତି। ଆକ୍ରମଣ ପରେ ଅଲ ଶିଫା ହସ୍ପିଟାଲରେ ଅନ୍ଧକାର ଅଛି।
ଇସ୍ରାଏଲ ସେନା ସିରିଆ ଏବଂ ଲେବାନନରେ ଏୟାର ଷ୍ଟ୍ରାଇକ କରିଛି। ଇସ୍ରାଏଲ ସୈନ୍ୟବାହିନୀ ଲେବାନନରେ ଅନେକ ହିଜବୁଲ ଶିବିର ଉପରେ ଆକ୍ରମଣ କରିଥିଲେ। ଏଥି ସହ ଗାଜା ଅଞ୍ଚଳରେ ଅସ୍ତ୍ରବିରତି ଉଲ୍ଲଂଘନ ପାଇଁ ଫ୍ରାନ୍ସ ରାଷ୍ଟ୍ରପତିଙ୍କ ଆବେଦନକୁ ନେଇ ଇସ୍ରାଏଲ ସରକାର ଅସନ୍ତୋଷ ବ୍ୟକ୍ତ କରିଛନ୍ତି। ପ୍ରଧାନମନ୍ତ୍ରୀ ନେତାନ୍ୟାହୁ କହିଛନ୍ତି ଯେ ଇସ୍ରାଏଲ ନୁହେଁ ହମାସ ଏବଂ ଆଇଏସକୁ ନିନ୍ଦା କରାଯିବା ଉଚିତ। ଯୁଦ୍ଧ ମଧ୍ୟରେ ଫ୍ରାନ୍ସ ରାଷ୍ଟ୍ରପତିଙ୍କ ସମାଲୋଚନାକୁ ନେଇ ଇସ୍ରାଏଲର ପ୍ରତିରକ୍ଷା ମନ୍ତ୍ରୀ ଅସନ୍ତୋଷ ବ୍ୟକ୍ତ କରିଛନ୍ତି। ତେବେ ଫ୍ରାନ୍ସ ସରକାର କହିଛନ୍ତି ଯେ ଏହା ତାଙ୍କ ଷ୍ଟାଣ୍ଡରେ ଛିଡା ହୋଇଛି ଏବଂ ଗାଜାରେ ଅସ୍ତ୍ରବିରତି ସପକ୍ଷରେ ଅଛି।