ଚେନ୍ନାଇ,୯।୨: ଭାରତ ଓ ଇଂଲଣ୍ଡ ମଧ୍ୟରେ ଏଠାରେ ଚାଲିଥିବା ଚାରିମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ଟେଷ୍ଟ ରୋଚକ ସ୍ଥିତିରେ ପହଞ୍ଚିଛି। ଶେଷ ଦିନରେ ମ୍ୟାଚ ଜିତିବା ପାଇଁ ଭାରତକୁ ୩୮୧ ରନ ଏବଂ ଇଂଲଣ୍ଡକୁ ୯ ଉଇକେଟ ଦରକାର। ତେବେ ଶେଷ ଦିନରେ ଭାରତ ଏପର୍ଯ୍ୟନ୍ତ ୨ ଉଇକେଟ୍ ହରାଇ ୫୮ ରନ୍ କରିଛି। ଭ୍ରମଣକାରୀ ଇଂଲଣ୍ଡ ଟିମ ଦ୍ୱିତୀୟ ଇନିଂସରେ ୧୭୮ ରନରେ ଅଲଆଉଟ ହୋଇ ଭାରତ ଆଗରେ ୪୨୦ ରନର ବିଶାଳ ଟାର୍ଗେଟ ଛିଡା କରିଛି। ଲକ୍ଷ୍ୟର ପିଛା କରୁଥିବା ଭାରତ ଚତୁର୍ଥ ଦିବସ ଖେଳ ଶେଷ ସୁଦ୍ଧା ଗୋଟିଏ ଉଇକେଟ ହରାଇ ୩୯ ରନ କରିଛି। ରୋହିତ୍ ଶର୍ମା ପୁଣିଥରେ ନିରାଶ କରି ମାତ୍ର ୧୨ ରନ କରି ଆଉଟ୍ ହୋଇଥିଲେ।