ଆଣ୍ଟିଗୁଆ,୩୧।୧: ଆଇସିସି ଅଣ୍ଡର ୧୯ ବିଶ୍ୱକପର କ୍ୱାର୍ଟର ଫାଇନାଲ ମ୍ୟାଚରେ ଭାରତ ବାଂଲାଦେଶକୁ ପରାସ୍ତ କରି ସେମିଫାଇନାଲରେ ପ୍ରବେଶ କରିଛି । ଆଣ୍ଟିଗୁଆରେ ଖେଳାଯାଇଥିବା ମ୍ୟାଚରେ ଭାରତ ୫ ଉଇକେଟରେ ଜିତିଛି। ଫେବୃଆରୀ ୨ରେ ହେବାକୁ ଥିବା ସେମିଫାଇନାଲରେ ଭାରତ ଅଷ୍ଟ୍ରେଲିଆକୁ ଭେଟିବ। ଆଣ୍ଟିଗୁଆର ଏହି କୁଲିଜ୍ କ୍ରିକେଟ ଗ୍ରାଉଣ୍ଡରେ ଏହି ମ୍ୟାଚ ଖେଳାଯିବ। ତେବେଏହି ମ୍ୟାଚ୍କୁ େeନଇ ଭାରତୀୟଙ୍କ ମଧ୍ୟରେ ଉତ୍କଣ୍ଠା ବଢିବାରେ ଲାଗିଛି।
ଏହି ମ୍ୟାଚରେ ଭାରତ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଭାରତର ଚମତ୍କାର ବୋଲିଂ ସାମ୍ନାରେ ବାଂଲାଦେଶର ଦଳ ୩୭.୧ ଓଭରରେ ମାତ୍ର ୧୧୧ ରନରେ ଅଲଆଉଟ୍ ହୋଇଯାଇଥିଲା। ବାଂଲାଦେଶର ଦଳ ଆରମ୍ଭରୁ ଦୁର୍ବଳ ହେବା ଭଳି ମନେ ହେଉଥିଲା। ଭାରତୀୟ ଦଳ ୩୦.୫ ଓଭରରେ ୫ ଉଇକେଟ ହରାଇ ମ୍ୟାଚ୍ ଜିତିଛି। ଏହି ବିଜୟ ସହିତ ଭାରତ ମଧ୍ୟ ଶେଷ ଅଣ୍ଡର -୧୯ ବିଶ୍ୱକପ ଫାଇନାଲରେ ବାଂଲାଦେଶର ପରାଜୟର ପ୍ରତିଶୋଧ ନେଇଛି।