ଦୁବାଇ,୪।୧୧: ଚଳିତ ଟି୨୦ ବିଶ୍ୱକପ୍ରେ ବୁଧବାର ଅପରାହ୍ନରେ ଖେଳାଯାଇଥିବା ମ୍ୟାଚ୍ରେ ନ୍ୟୁଜିଲାଣ୍ଡ ୧୬ ରନ୍ରେ ସ୍କଟଲାଣ୍ଡକୁ ହରାଇ ଦେଇଛି। ଏହି ମ୍ୟାଚ୍ରେ ସ୍କଟଲାଣ୍ଡ ଜିତିଥିଲେ, ଟିମ୍ ଇଣ୍ଡିଆ ସେମିଫାଇନାଲରେ ପ୍ରବେଶ କରିପାରିଥାନ୍ତା। ତେବେ ମ୍ୟାଚ୍ ବେଳେ ଏକ କୌତୁହଳପୂର୍ଣ୍ଣ ଘଟଣା ଘଟିଥିଲା।
ଇନିଂସର ୭ମ ଓଭରରେ ସ୍କଟଲାଣ୍ଡ ଉଇକେଟକିପର ମାଥ୍ୟୁ କ୍ରସ ସାଥି ଖେଳାଳି ତଥା ବୋଲର କ୍ରିସ ଗ୍ରେଭସଙ୍କ ମନବଳ ବଢ଼ାଇବା ପାଇଁ କହିଥିଲେ, ପୂରା ଭାରତ ତୁମ ପଛରେ ଅଛି। ଏହା କଏଦ ହୋଇଥିଲା ଷ୍ଟମ୍ପରେ ଲାଗିଥିବା ମାଇକ୍ରେ। ଉଲ୍ଲେଖଯୋଗ୍ୟ, ଲଗାତାର ଦୁଇ ମ୍ୟାଚ୍ରେ ପରାଜୟ ଭୋଗିଥିବା ଭାରତୀୟ ଦଳ ୬୬ ରନ୍ରେ ଆଫଗାନିସ୍ତାନକୁ ହରାଇ ଚଳିତ ବିଶ୍ୱକପ୍ରେ ପ୍ରଥମ ବିଜୟ ହାସଲ କରିଛି।
