![](https://www.dharitri.com/wp-content/uploads/2024/04/Musk-3.jpg)
ସାଂଘାଇ,୨୮।୪: ଟେସଲା ସିଇଓ ଏଲୋନ ମସ୍କ ରବିବାର ଦିନ ହଠାତ୍ ଚାଇନା ଗସ୍ତ କରିଛନ୍ତି। ବୈଦ୍ୟୁତିକ ଯାନ ମାମଲାରେ ଚାଇନା ଦ୍ୱିତୀୟ ବୃହତ୍ତମ ବଜାର । ନ୍ୟୁଜ ଏଜେନ୍ସି ରଏଟର୍ସ, ଏହି ବିଷୟରେ ଜ୍ଞାନ ଥିବା ଦୁଇ ଜଣଙ୍କ ଉଦ୍ଧେଶ୍ୟରେ ଟେସଲା ସିଇଓଙ୍କ ଗସ୍ତ ବିଷୟରେ କହିଥିଲେ।
ଚାଇନାକୁ ଏଲୋନ ମସ୍କଙ୍କ ଏହି ଗସ୍ତ ଭାରତ ଗସ୍ତ ସ୍ଥଗିତ ହେବାର ଏକ ସପ୍ତାହ ପରେ ଆସିଛି। ଭାରତରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟି ଭାରତୀୟ ବଜାରରେ ପ୍ରବେଶ କରିବାର ଯୋଜନା ଘୋଷଣା କରିଥିଲେ।
ଏହି ବିଷୟରେ ଜ୍ଞାନ ଥିବା ଦୁଇ ଜଣଙ୍କ ମଧ୍ୟରୁ ଜଣଙ୍କଠାରୁ ସୂଚନା ନେଇ ରଏଟର୍ସ କହିଛି ଯେ ଏପର୍ଯ୍ୟନ୍ତ ଏଲୋନ ମସ୍କ ଚାଇନା ଗସ୍ତରେ ଯାଇ ସ୍ବୟଂ ଚାଳନା ବା ଫୁଲ ସେଲ୍ଫ ଡ୍ରାଇଭିଂ(FSD) ସଫ୍ଟୱେୟାରର ରୋଲଆଉଟ ଏବଂ ଏହାର ସ୍ବୟଂଚାଳିତ ଡ୍ରାଇଭିଂ ଟେକ୍ନୋଲୋଜି ପାଇଁ ଆଲଗୋରିଦମକୁ ତାଲିମ ଦେବା ପାଇଁ ଦେଶରେ ଏକାଠି କରାଯାଇଥିବା ଡାଟାକୁ ବିଦେଶକୁ ସ୍ଥାନାନ୍ତର କରିବାକୁ ମଞ୍ଜୁରୀ ପାଇବାକୁ ବେଜିଂରେ ଚାଇନାର ବରିଷ୍ଠ ଅଧିକାରୀଙ୍କ ସହ ସାକ୍ଷାତ କରିବାକୁ ଚାହୁଁଛନ୍ତି।
ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏକ ପ୍ରଶ୍ନର ଉତ୍ତରରେ ମସ୍କ କହିଛନ୍ତି ଯେ ଟେସଲା ଖୁବ ଶୀଘ୍ର ଚାଇନାରେ ଗ୍ରାହକଙ୍କ ପାଇଁ FSD ଉପଲବ୍ଧ କରାଇପାରେ।
ବିଶେଷ ଭାବରେ, ମସ୍କଙ୍କ ଚାଇନା ଗସ୍ତ ଜନସାଧାରଣଙ୍କ ଦୃଷ୍ଟି ଆକର୍ଷଣ କରିନଥିଲା। ରଏଟର୍ସ ଅନୁଯାୟୀ, ୨୦୨୧ ପରଠାରୁ ଚାଇନାର ସହଯୋଗୀ ସଂସ୍ଥା ଦ୍ୱାରା ସଂଗୃହିତ ସମସ୍ତ ତଥ୍ୟ ଚାଇନାର ନିୟାମକଙ୍କ ଆବଶ୍ୟକତା ଅନୁଯାୟୀ ସାଂଘାଇରେ ଗଚ୍ଛିତ ହୋଇଛି ଏବଂ ଏହାକୁ ଆମେରିକାକୁ ସ୍ଥାନାନ୍ତର କରାଯାଇ ନାହିଁ।
ଆମେରିକାର ଇଭି ନିର୍ମାତା ଚାରି ବର୍ଷ ପୂର୍ବେ ଏହାର ଅଟୋପିଲଟ ସଫ୍ଟୱେୟାରର ସବୁଠାରୁ ସ୍ବୟଂଶାସିତ ସଂସ୍କରଣ FSD ଲଞ୍ଚ କରିଥିଲା, କିନ୍ତୁ ଗ୍ରାହକଙ୍କ ଅନୁରୋଧ ସତ୍ତ୍ୱେ ଏହା ଚାଇନାରେ ଉପଲବ୍ଧ ହୋଇପାରି ନାହିଁ।