ସମ୍ବଲପୁର,୭।୧: ଭାଜପା ନେତ୍ରାଙ୍କୁ ହତ୍ୟା ପଛର କାରଣ କହିଲେ ଡ୍ରାଇଭର ପ୍ରସନ୍ନ ଜେନାମଣି। ସେ କହିଛନ୍ତି, ଭାଜପା ନେତାଙ୍କ କାରକୁ ମୋ ସହ ଝଗଡ଼ା କରିଥବା ଗାଡ଼ି ଭାବି ଧକ୍କା ଦେଇଥିଲି । ଗାଡିକୁ ଥରେ କି ୨ ଥର ନୁହେଁ ୩ ଥର ଧକ୍କା ଦେଇଥିବା କହିଲେ ଜେନାମଣି। ସେ ପୁଣି କହିଛନ୍ତି, ଗାଡ଼ି ବାଜିଗଲା, ଦୁଃଖ କ’ଣ ପାଇଁ କରିବି’ । ଟ୍ରକ ଧକ୍କାରେ ୨ ଭାଜପା ନେତାଙ୍କ ମୃତ୍ୟୁକୁ ନେଇ ଏଭଳି ବୟାନ ଦେଇଛନ୍ତି ହାଇୱା ଡ୍ରାଇଭର ।
ତେବେ ହାଇୱା ଚଢ଼ାଇ ସମ୍ବଲପୁରର ୨ ଭାଜପା କର୍ମୀଙ୍କ ଧକ୍କା ଦେବା ପୂର୍ବରୁ ଅନ୍ୟ ଏକ ଗାଡ଼ି ସହ ଝଗଡ଼ା କରିଥିଲେ ଜେନାମଣି ।
ସୂଚନାଯୋଗ୍ୟ,ସମ୍ବଲପୁର ଜିଲା ବୁର୍ଲା ଥାନା ଅଞ୍ଚଳରେ ୨ ଭାଜପା କର୍ମୀଙ୍କୁ ଟ୍ରକ ଧକ୍କା ଦେଇ ହତ୍ୟା ଅଭିଯୋଗରେ ଜେନାମଣିଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । କୋର୍ଟ ଚାଲାଣ ସମୟରେ ଜେନାମଣି କହିଥିଲେ, ଜାଣିଶୁଣି ଦୁର୍ଘଟଣା କରିନାହିଁ । ସେ ଭାଜପା ନେତାଙ୍କ କାରକୁ ୩ ଥର ଧକ୍କା ମାରିଥିବା ସ୍ବୀକାର କରିଥିଲେ। ତାଙ୍କ କହିବା ଅନୁସାରେ ପ୍ରଥମେ ଗାଡ଼ି ଭାରସାମ୍ୟ ହରେଇ କାର ସହ ଧକ୍କା ହୋଇଥିଲା ।
ଦିତୀୟ ଥର ଆଖି ଲାଗିଯିବାରୁ ଧକ୍କା ହୋଇଥିଲା ଓ ତୃତୀୟ ଥର ଜାଣତରେ କାର ସହ ଧକ୍କା ହୋଇଥିଲା।
ଅନ୍ୟପକ୍ଷେ ସେ ଏହା ମଧ୍ୟ କହିଛନ୍ତି, ଘଟଣା ଦିନ ରାତିରେ ତାଙ୍କର ଅନ୍ୟ ଏକ ମାରୁତି କାରର ଚାଳକ ସହ ଝଗଡ଼ା ହୋଇଥିଲା । ତେବେ ଜେନାମଣିଙ୍କ କଥାରେ ତାଳମେଳ ରହୁ ନାହିଁ। ତାଙ୍କୁ କୋର୍ଟଚାଲାଣ ହୋଇଥିବା ବେଳେ ତାଙ୍କୁ ରିମାଣ୍ଡରେ ଆଣିବ ପୋଲିସ । ରାଜନୈତିକ, ବ୍ୟାବସାୟିକ କିମ୍ବା ଅନ୍ୟ କେଉଁ କାରଣରୁ ଭାଜପା ନେତାଙ୍କୁ ହତ୍ୟା କରାଯାଇଛି କି , ଜାଣିବା ପାଇଁ ପୋଲିସ ତାଙ୍କୁ ପଚରାଉଚରା କରାଯାଉଛି।