କାହିଁକି ସମସ୍ତଙ୍କ ସାମ୍ନାରେ କାନ୍ଦିଲେ କେନ୍ଦ୍ରମନ୍ତ୍ରୀ ପୀୟୁଷ ଗୋୟଲ, ଭିଡିଓ ଦେଖିଲେ ଆପଣ ବି ହୋଇଯିବେ ଭାବୁକ

ନୂଆଦିଲ୍ଲୀ,୧୦।୧୦: ସାଧାରଣତଃ ଆପଣ ଦେଖିଥିବେ ନେତାମାନେ ଭୋଟ ମାଗନ୍ତି, ଦଳର ସଫଳତାକୁ ଗଣନା କରନ୍ତି କିମ୍ବା ବିରୋଧୀ ଦଳ ଉପରେ ତୀବ୍ର ଅସନ୍ତୋଷ ବ୍ୟକ୍ତ କରିଥାଆନ୍ତି। କିନ୍ତୁ ଜଣେ ନେତାଙ୍କୁ ସର୍ବସାଧାରଣରେ କାନ୍ଦୁଥିବା ଦେଖିବାକୁ ବହୁତ କମ୍‌ ମିଳେ। କିନ୍ତୁ ଅକ୍ଟୋବର ୧୦ ଗୁରୁବାର କେନ୍ଦ୍ର ମନ୍ତ୍ରୀ ପୀୟୁଷ ଗୋୟଲ ହଠାତ୍‌ ଭାବପ୍ରବଣ ହୋଇପଡିଥିବା ଏକ ଦୃଶ୍ୟ ଦେଖିବାକୁ ମିଳିଥିଲା। ସେ ନିଜ ଲୁହକୁ ନିୟନ୍ତ୍ରଣ କରିପାରିନଥିଲେ ଏବଂ ଗଣମାଧ୍ୟମ ଆଗରେ କାନ୍ଦିବାକୁ ଲାଗିଲେ। କ’ଣ ହେଲା ଯେ ପୀୟୁଷ ଗୋୟଲ ହଠାତ୍‌ କାନ୍ଦିବାକୁ ଲାଗିଲେ, ଏମିତି ଏକ ପ୍ରଶ୍ନର ଉତ୍ତର ସମସ୍ତେ ଖୋଜୁଛନ୍ତି।
ସୂଚନାଯୋଗ୍ୟ, ଦେଶର ଅଗ୍ରଣୀ ବ୍ୟବସାୟୀ ରତନ ଟାଟାଙ୍କ ଦେହାନ୍ତରେ କେନ୍ଦ୍ର ମନ୍ତ୍ରୀ ପୀୟୁଷ ଗୋୟଲଙ୍କ ମନରେ ଗଭିର ଆଘତ ହୋଇଛି। ଗଣମାଧ୍ୟମ ସହିତ ଗୋୟଲ ପୁରୁଣା କାହାଣୀ ଶେୟାର କରିଥିବାବେଳେ ସେ ବହୁତ ଭାବପ୍ରବଣ ହୋଇଥିଲେ। ପୀୟୁଷ ଗୋୟଲ ରତନ ଟାଟାଙ୍କୁ ଏକ ସମ୍ବେଦନଶୀଳ ବ୍ୟକ୍ତି ଭାବରେ ବର୍ଣ୍ଣନା କରିଥିଲେ। ସେ କହିଛନ୍ତି ଯେ ଅନ୍ତର୍ଜାତୀୟ ସ୍ତରରେ ଟାଟା ଗ୍ରୁପକୁ ସ୍ଥିର କରିବାରେ ରତନ ଟାଟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି।
କେନ୍ଦ୍ର ମନ୍ତ୍ରୀ ରତନ ଟାଟାଙ୍କ କାହାଣୀ ଶେୟାର କରିଥିଲେ। ସେ କହିଥିଲେ ଯେ ଥରେ ଯେତେବେଳେ ରତନ ଟାଟା ମୁମ୍ବାଇରେ ଜଳଖିଆ ପାଇଁ ଘରକୁ ଆସିଥିଲେ, ଆମେ ସେମାନଙ୍କୁ ଇଡଲି-ସମ୍ବର, ଦୋସା ପରିବେଷଣ କରିଥିଲୁ। ସେ ଏହି ଜଳଖିଆକୁ ବହୁତ ଭଲ ଭାବେ ପ୍ରଶଂସା କରିଥିଲେ। ରତନ ଟାଟାଙ୍କର ନିକଟରେ ବିଶ୍ୱର ସର୍ବୋତ୍ତମ ରୋଷେୟା ଅଛନ୍ତି କିନ୍ତୁ ସେ ଖାଦ୍ୟର ମୂଲ୍ୟ ବୁଝନ୍ତି ଏବଂ ଏହାକୁ ମଧ୍ୟ ସମ୍ମାନ କରନ୍ତି।
ପୀୟୁଷ ଗୋୟଲ କହିଥିଲେ ଯେ ଯେତେବେଳେ ସେ ଘରୁ ବାହାରକୁ ଯାଉଥିଲେ, ଦୁଇ ଘଣ୍ଟା ବିତାଇବା ପରେ, ସେ ମୋ ପତ୍ନୀଙ୍କୁ ବହୁତ ସ୍ନେହରେ ପଚାରିଥିଲେ – ଆପଣ ମୋ ସହିତ ଫଟୋ ଉଠାଇବାକୁ ଚାହୁଁଛନ୍ତି କି? ଆମେ ପ୍ରକୃତରେ ତାଙ୍କ ସହିତ ଏକ ଫଟୋ କ୍ଲିକ କରିବାକୁ ଚାହୁଁଥିଲୁ, କିନ୍ତୁ ପଚାରିବାରେ ସକ୍ଷମ ହୋଇନଥିଲୁ, ବୋଧହୁଏ ସେ ଆମର ଇଚ୍ଛା ବୁଝିଥିଲେ ଏବଂ ସେ ଯେଉଁ ଅନ୍ଦାଜରେ ପଚାରିଥିଲେ ତାହା କହିବା କଷ୍ଟକର।