ସମସ୍ତେ ପ୍ରାୟ ଜଳଦସ୍ୟୁ ବା ସମୁଦ୍ର ଲୁଟେରାଙ୍କ ସହିତ ଜଡ଼ିତ କାହାଣୀ ଶୁଣିଥିବେ। ନଚେତ୍ ସେମାନଙ୍କୁ ଫିଲ୍ମ କିମ୍ବା କାର୍ଟୁନରେ ଦେଖିଥିବେ। ଏହି ଡକାୟତମାନଙ୍କ ପୋଷାକ ପରିଚ୍ଛଦ ଭିନ୍ନ ଅଟେ। ମୁଣ୍ଡରେ ଏକ ବଡ଼ ଟୋପି, ଅଜବ ପୋଷାକ ଏବଂ ଆଖିରେ ପଟି ବାନ୍ଧିଥାନ୍ତି। ହଲିଉଡ୍ର ଏକ ପ୍ରସିଦ୍ଧ ଫିଲ୍ମ ହେଉଛି ‘ପାଇରେଟ୍ସ ଅଫ୍ ଦ କ୍ୟାରିବିୟାନ’ ହଲିଉଡ୍ର ଜଣାଶୁଣା ଅଭିନେତା ଜନି ଡେପ୍ ଏହି ଫିଲ୍ମରେ ଡକାୟତ ଭୂମିକାରେ ଅଭିନୟ କରିଛନ୍ତି। କିନ୍ତୁ ଜାଣନ୍ତି କି ଜଳଦସ୍ୟୁମାନେ ଗୋଟିଏ ଆଖିରେ କାହିଁକି ପଟି ବାନ୍ଧିଥାନ୍ତି।
ଆଖି ଆମ ଶରୀରର ସବୁଠାରୁ ଗୁରୁତ୍ୱପୂର୍ଣ୍ଣ ଅଙ୍ଗ। ଏହା ସାହାଯ୍ୟରେ ଆମେ ପୂରା ଦୁନିଆକୁ ଦେଖିପାରୁ। ଏପରି ସ୍ଥିତିରେ ଯେତେବେଳେ ଜାହାଜ ଆଲୋକରୁ ଅନ୍ଧାରକୁ ଯାଏ, ସେତେବେଳେ ଜଳଦସ୍ୟୁମାନେ ଗୋଟିଏ ଆଖି ବୁଜି ଦିଅନ୍ତି। ଯାହାଦ୍ୱାରା ସେମାନେ ସେହି ଅନ୍ଧକାରରେ ମଧ୍ୟ ସ୍ପଷ୍ଟ ଭାବରେ ଦେଖାଯିବେ। କିନ୍ତୁ ଏହା ପଛରେ ଏକ ବୈଜ୍ଞାନିକ କାରଣ ରହିଛି। ତେବେ ଜାଣନ୍ତୁ ଏ ସମ୍ପର୍କରେ…
ଯେତେବେଳେ ମଣିଷ ଆଲୋକରୁ ଅନ୍ଧାରକୁ ଯାଏ ସେତେବେଳେ ଆମର ଆଖି ସାଧାରଣ ତୁଳନାରେ ଅଧିକ ବିସ୍ତାର କରେ। ଫଳରେ ଅନ୍ଧାରରେ ସବୁକିଛି ସହଜରେ ଦେଖାଯିବ। କିନ୍ତୁ ଯେତେବେଳେ ଜଣେ ବ୍ୟକ୍ତି ଅନ୍ଧାରରୁ ଆଲୋକକୁ ଆସେ ସେତେବେଳେ କିଛି ଦେଖାଯାଏ ନାହିଁ ନାହିଁ। ସେହି ସମୟରେ ଆଖି ସ୍ବାଭାବିକ ହୋଇଯାଏ।
ଏଭଳି ପରିସ୍ଥିତିରେ ଡକାୟତମାନଙ୍କୁ ସମୁଦ୍ର ମଧ୍ୟରେ ଜାହାଜରେ ମାସ ମାସ ଧରି ଯାତ୍ରା କରିବାକୁ ପଡ଼ିଥାଏ। ଏହି ସମୟରେ ସେମାନଙ୍କୁ ବାରମ୍ବାର ଡେକ୍ ଯିବାକୁ ପଡ଼ିଥାଏ। ଯେଉଁଠାରେ ସାମଗ୍ରୀ ଜାହାଜରେ ରଖାଯାଏ, ଏହା ଅତ୍ୟନ୍ତ ଅନ୍ଧକାର ସ୍ଥାନ। ସେହି ସମୟରେ ଡକାୟତମାନେ ଡେକ୍ରେ ପ୍ରବେଶ କରନ୍ତି, ସେମାନେ ଆଖିରେ ନାଲି କିମ୍ବା କଳା ପଟି ବ୍ୟବହାର କରିଥାନ୍ତି। ସେମାନେ ଏପରି କରିଥାନ୍ତି କି ଯାହାଦ୍ୱାରା ସାମଗ୍ରୀ ଦେଖିବାରେ କୌଣସି ଅସୁବିଧା ହୋଇ ନ ଥାଏ। ପଟି ବାନ୍ଧିବା ଅର୍ଥ ହେଉଛି ଯେତେବେଳେ ସେମାନେ ଆଲୋକରୁ ଅନ୍ଧାରକୁ ଯାଆନ୍ତି ସେମାନଙ୍କ ଆଖିର ତେଜ ବିସ୍ତାର କରିବାକୁ ଅଧିକ ସମୟ ଲାଗେ ନାହିଁ। କାରଣ ସେମାନଙ୍କର ଗୋଟିଏ ଆଖି ଅନ୍ଧକାରରେ ଅଛି।
ସମୁଦ୍ରରେ ଯିବା ସମୟରେ ଆଖି ବୁଜିବାର ନିୟମ ବହୁତ ପୁରୁଣା। ଏହି ନିୟମ ହେତୁ ଡକାୟତମାନଙ୍କୁ ଶତ୍ରୁ ସହିତ ଲଢ଼ିବା ପାଇଁ ଉଭୟ ଆଖି ଅନ୍ଧକାର ଏବଂ ଆଲୋକ ପାଇଁ ପ୍ରସ୍ତୁତ ରଖିବାକୁ ପଡ଼ିଥାଏ। ଏହି କାରଣରୁ ଜଳଦସ୍ୟୁମାନେ ଗୋଟିଏ ଆଖିରେ ପଟି ବାନ୍ଧି ଲୁଟିଥାନ୍ତି।