ଜୟପୁର,୨୬।୮ : ରାଜସ୍ଥାନର ଗଙ୍ଗାପୁରରେ ଶନିବାର ଏକ କୃଷକ ସମ୍ମିଳନୀରେ ଯୋଗ ଦେଇ କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ରାଜ୍ୟର ମୁଖ୍ୟମନ୍ତ୍ରୀ ଅଶୋକ ଗେହଲଟ ସରକାରଙ୍କୁ କଡ଼ା ସମାଲୋଚନା କରଛନ୍ତି। ସେ କହିଛନ୍ତି ଆଜିକାଲି ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ ଲାଲ ଡାଏରୀକୁ ବହୁତ ଡରୁଛନ୍ତି। ସେ କାହିଁକି ଭୟଭୀତ? ବାସ୍ତବରେ ତାଙ୍କର କଳା କାର୍ଯ୍ୟଗୁଡ଼ିକ ଲାଲ ଡାଏରୀରେ ଲୁଚି ରହିଛି। ଲାଲ ଡାଏରୀରେ କୋଟି କୋଟି ଟଙ୍କାର ଦୁର୍ନୀତିର ବିବରଣୀ ରହିଛି।
ଯଦି ତାଙ୍କର ସାହସ ଅଛି, ତେବେ ସେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦିଅନ୍ତୁ ଏବଂ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରନ୍ତୁ। ସବୁକିଛି ସାମ୍ନାକୁ ଆସିବ ।
ଶାହା ଗଙ୍ଗାପୁର ସହରରେ ପହଞ୍ଚିବା ପରେ କିଛି କଂଗ୍ରେସ କର୍ମୀ କାର୍ଯ୍ୟକ୍ରମ ଆରମ୍ଭରେ ସ୍ଲୋଗାନ ଦେଉଥିବାର ଦେଖାଯାଇଥିଲା। ଏ ନେଇ ଶାହା ଅଶୋକ ଗେହଲଟଙ୍କୁ ଟାର୍ଗେଟ କରିଥିଲେ। ଗେହଲଟ କିଛି ଲୋକଙ୍କୁ ପଠାଇଛନ୍ତି। ଏହା ସହିତ ଶାହା ଊପସ୍ଥିତ ଲୋକମାନଙ୍କୁ ନିବେଦନ କରି କହିଥିଲେ ତୁମେ ସେମାନଙ୍କୁ ସ୍ଲୋଗାନ ଦେବାକୁ ଦିଅ। କେହି ସେଠାକୁ ଯିବା ଉଚିତ ନୁହେଁ। କିଛି ସମୟ ପାଇଁ ସେମାନଙ୍କର କାର୍ଯ୍ୟକ୍ରମ କରିବା ପରେ, ସେମାନେ କ୍ଳାନ୍ତ ହୋଇ ଫେରିଯିବେ।
ଏଥିସହ ଶାହା କେନ୍ଦ୍ର ସରକାରଙ୍କ ସଫଳତାକୁ ଗଣନା କରି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମର ମହାକାଶ ମିଶନକୁ ନୂତନ ଗତି ଏବଂ ଶକ୍ତି ଦେଇଛନ୍ତି । ଆଜି ଚନ୍ଦ୍ରର ଦକ୍ଷିଣ ପୋଲରେ ପହଞ୍ଚିବାରେ ଭାରତ ପ୍ରଥମ ଦେଶ ହୋଇପାରିଛି। ଦେଶବାସୀଙ୍କ ପାଇଁ ଏହା ଗର୍ବର ବିଷୟ।