ଜୟପୁର,୧୦।୯: ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ରବିବାର ଟୋଙ୍କର ନିୱାଇରେ ଇନ୍ଦିରା ଗ୍ରାମୀଣ ରସୋଇ ଯୋଜନା ଆରମ୍ଭ କରିଛନ୍ତି। ଏହି ସମୟରେ କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ମଧ୍ୟ ଉପସ୍ଥିତ ଥିଲେ। ଏହି ଅବସରରେ ୩୦ ବର୍ଷ ମଧ୍ୟରେ ଗାନ୍ଧୀ ପରିବାରର କେହି ପ୍ରଧାନମନ୍ତ୍ରୀ କିମ୍ବା ମୁଖ୍ୟମନ୍ତ୍ରୀ ହୋଇ ନାହାଁନ୍ତି, ତେବେ କାହିଁକି ପ୍ରଧାନମନ୍ତ୍ରୀ ମୋଦି ଗାନ୍ଧୀ ପରିବାରକୁ ଏତେ ଭୟ କରୁଛନ୍ତି ବୋଲି ଗେହଲଟ ପ୍ରଶ୍ନ କରିଛନ୍ତି।
ଗେହଲଟ କହିଛନ୍ତି, ୩୦ ବର୍ଷ ଧରି ଗାନ୍ଧୀ ପରିବାରର କୌଣସି ସଦସ୍ୟ ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ କିମ୍ବା କେନ୍ଦ୍ର ମନ୍ତ୍ରୀ ହୋଇନାହାଁନ୍ତି। କଂଗ୍ରେସ କର୍ମୀମାନେ ଦେଶର ଆଠ ଲକ୍ଷ ଗାଁରେ ରୁହନ୍ତି। ଏହି କର୍ମୀ ଏବଂ ଜନସାଧାରଣ ଗାନ୍ଧୀ ପରିବାରକୁ ଭଲ ପାଆନ୍ତି। ଏହି ପରିବାର ସମସ୍ତ ଧର୍ମ, ଜାତି ଏବଂ ଭାଷାର ଲୋକଙ୍କ ସହିତ ଅଛନ୍ତି। କଂଗ୍ରେସ ବିଭିନ୍ନ ରାଜ୍ୟରେ ରହୁଥିବା ଲୋକଙ୍କ କେନ୍ଦ୍ରବିନ୍ଦୁ ପାଲଟିଛି। ମୁଁ ପ୍ରଧାନମନ୍ତ୍ରୀ ମୋଦି ଏବଂ ସ୍ବରାଷ୍ଟ୍ରମନ୍ତ୍ରୀ ଅମିତ ଶାହାଙ୍କୁ ପଚାରିବାକୁ ଚାହୁଁଛି ଯେ ସେମାନେ ଗାନ୍ଧୀ ପରିବାରର ନାମକୁ କାହିଁକି ଭୟ କରୁଛନ୍ତି?