ମଧ୍ୟାହ୍ନ ଭୋଜନରେ କାହିଁକି ମିଳୁନି ଚିକେନ-ମଟନ ? ଜବାବ ଲୋଡିଲେ ସୁପ୍ରିମ୍କୋର୍ଟ…
01 ନୂଆଦିଲ୍ଲୀ,୧୦।୫ : କେନ୍ଦ୍ରଶାସିତ ଅଞ୍ଚଳରେ ପିଲାଙ୍କୁ ସ୍କୁଲରେ ଦିଆଯାଉଥିବା ମଧ୍ୟାହ୍ନ ଭୋଜନ ଯୋଜନାରୁ ଚିକେନ ଏବଂ ମଟନ ଅପସାରଣକୁ ଚ୍ୟାଲେଞ୍ଜ କରି ଏକ ଆବେଦନ ଉପରେ ସୁପ୍ରିମକୋର୍ଟ ଲାକ୍ଷାଦ୍ୱୀପ ପ୍ରଶାସନଠାରୁ ଜବାବ ମାଗିଛନ୍ତି। ଏହାପୂର୍ବରୁ ଲାକ୍ଷାଦ୍ୱୀପର ବିଦ୍ୟାଳୟରେ ମଧ୍ୟାହ୍ନ ଭୋଜନର ଏକ ଅଂଶ ଭାବରେ ଚିକେନ ଏବଂ ମଟନ ଦିଆ ଯାଉଥିଲା, କିନ୍ତୁ ପ୍ରଶାସନ ଏହାକୁ ବନ୍ଦ କରି ଦେଇଥିଲେ।
ଜଷ୍ଟିସ ଅନିରୁଦ୍ଧ ବୋଷ ଏବଂ ଜଷ୍ଟିସ ସୁଦର୍ଶନ ସୁହୁଲିଆଙ୍କ ଏକ ଡିଭିଜନ ବେଞ୍ଚ କେରଳ ହାଇକୋର୍ଟଙ୍କର ସେପ୍ଟେମ୍ବର ୨୦୨୧ର ନିଷ୍ପତ୍ତିକୁ ଚ୍ୟାଲେଞ୍ଜ କରି ଏକ ସ୍ବତନ୍ତ୍ର ଲିଭ୍ ପିଟିଶନ ଦାଖଲ କରିଥିଲେ। ମଧ୍ୟାହ୍ନ ଭୋଜନରୁ ଚିକେନ ଏବଂ ମଟନକୁ ବାଦ ଦେବା ପାଇଁ ଲାକ୍ଷାଦ୍ୱୀପ ପ୍ରଶାସନର ନିଷ୍ପତ୍ତିକୁ ଚ୍ୟାଲେଞ୍ଜ କରାଯାଇ ହୋଇଥିବା ଆବେଦନକୁ ହାଇକୋର୍ଟ ଖାରଜ କରିଦେଇଥିଲେ।
ଆପଣ କାହିଁକି ପିଲାମାନଙ୍କୁ ଏଥିରୁ ବଞ୍ଚିତ କରୁଛନ୍ତି? ବେଞ୍ଚ ପ୍ରଶ୍ନ ପଚାରିଥିବା ବେଳେ ବେଞ୍ଚ କହିଛନ୍ତି ଅତିରିକ୍ତ ସୋଲିସିଟର ଜେନେରାଲ କେ.ଏମ ନଟରାଜ ଉତ୍ତର ଦେଇଛନ୍ତି ପିଲାମାନଙ୍କୁ ଏହାଠାରୁ ଭଲ ଜିନିଷ ଦିଆଯାଇଛି।
ଏଥିପାଇଁ ବେଞ୍ଚ ପଚାରିଥିଲେ “କ’ଣ ଭଲ? ସେମାନଙ୍କୁ ଚିକେନ ଏବଂ ମଟନ ବଦଳରେ ଶୁଖିଲା ଫଳ ଦିଆଯାଉଛି କି?” ଏହା ପରେ ଅତିରିକ୍ତ ସୋଲିସିଟର ଜେନେରାଲ ବେଞ୍ଚ ସମ୍ମୁଖରେ ନୂତନ ମଧ୍ୟାହ୍ନ ଭୋଜନ ଯୋଜନା ଉପସ୍ଥାପନ କରିଥିଲେ। ଏହାକୁ ଦେଖି ବେଞ୍ଚ ପଚାରିଥିଲେ, ଚିକେନ କେଉଁଠାରେ? ମନେକର ଏହା ମୋର ଖାଦ୍ୟ କିମ୍ବା ସାଂସ୍କୃତିକ ଅଭ୍ୟାସର ଏକ ଅଂଶ, ଏଥିରୁ ଏହାକୁ କିପରି ଦୂର କରାଯାଇପାରିବ? ବର୍ତ୍ତମାନ ଲାକ୍ଷାଦ୍ୱୀପ ପ୍ରଶାସନକୁ ଏହାର ଉତ୍ତର ସୁପ୍ରିମକୋର୍ଟରେ ଦାଖଲ କରିବାକୁ ପଡିବ।