ନୂଆଦିଲ୍ଲୀ,୬।୫ : ରାଜ୍ୟସଭା ଏମପି କପିଲ ସିବଲ ଶନିବାର ପ୍ରଶ୍ନ କରିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଜାତୀୟ ରେଡକ୍ରସ ମୁଖ୍ୟ ବ୍ରିଜ ଭୂଷଣ ଶରଣ ସିଂଙ୍କ ବିରୋଧରେ କୁସ୍ତିଯୋଦ୍ଧାଙ୍କ ଦ୍ୱାରା ଅଣାଯାଇଥିବା ଯୌନ ନିର୍ଯାତନା ଅଭିଯୋଗ ଏବଂ ସେମାନଙ୍କ ଧାରଣା ନେଇ କାହିଁକି ଚୁପ୍ ରହିଛନ୍ତି। ପ୍ରଧାନମନ୍ତ୍ରୀ ଏପର୍ଯ୍ୟନ୍ତ କୌଣସି ମନ୍ତବ୍ୟ ଦେଇନାହାଁନ୍ତି। ବ୍ରିଜ ଭୂଷଣ ଭାରତୀୟ ଜନତା ପାର୍ଟିର ଜଣେ ଏମପି। ଦିଲ୍ଲୀ ପୋଲିସ ସୁପ୍ରିମକୋର୍ଟଙ୍କର ଶୁଣାଣି ପରେ ତାଙ୍କ ବିରୋଧରେ ଦୁଇଟି ଏଫଆଇଆର ଦାଏର କରିବା ସତ୍ତ୍ୱେ ସେ ରେସଲିଂ ଫେଡେରେଶନ ଅଫ ଇଣ୍ଡିଆର ମୁଖ୍ୟ ପଦରେ ଅବସ୍ଥାପିତ ରହିଛନ୍ତି। ଏହା ଅତ୍ୟନ୍ତ ଲଜ୍ଜାଜନକ ଘଟଣା।
ବିରୋଧୀ କୁସ୍ତିଯୋଦ୍ଧା ତଥା ବିଭିନ୍ନ ବିରୋଧୀଦଳ ନେତାଙ୍କ ସମେତ ସେମାନଙ୍କୁ ସମର୍ଥନ କରୁଥିବା ବ୍ୟକ୍ତି ଅନୁସନ୍ଧାନ ଶେଷ ନହେବା ପର୍ଯ୍ୟନ୍ତ ବ୍ରିଜ ଭୂଷଣଙ୍କୁ ତାଙ୍କ ପଦରୁ ହଟାଇବାକୁ କହିଛନ୍ତି। ତେବେ ଏ ଦିଗରେ କେନ୍ଦ୍ର ସରକାର କାହିଁକି ପଛୁଆ ରହିଛନ୍ତି ।
ସିବଲ ଟୁଇଟ କରି କହିଛନ୍ତିି ଅଭିଯୁକ୍ତ କୁସ୍ତି ଯୋଦ୍ଧାଙ୍କ ଶରୀରର ବିଭିନ୍ନ ଅଙ୍ଗରେ ହସ୍ତଚାଳନା କରିଥିବାର ଅଭିଯୋଗ ହୋଇଛି।
ତାଙ୍କ ଦ୍ୱାରା କୁସ୍ତି ଯୋଦ୍ଧାଙ୍କୁ ଯୌନ ଉତ୍ପୀଡ଼ନ ଏବଂ ଅସଦାଚରଣର ଏକାଧିକ ଘଟଣାରେ ଗ୍ରପିଂ, ଅନୁପଯୁକ୍ତ ସ୍ପର୍ଶ ଏବଂ ଶାରୀରିକ ସମ୍ପର୍କ ନେଇ ବୟାନ ରେକର୍ଡ କରାଯାଇଛି।
ଅଭିଯୋଗ ଗୁଡିକର ଅନୁସନ୍ଧାନ ପାଇଁ ଗଠିତ ଏକ କମିଟି ରିପୋର୍ଟ ଦାଖଲ କରିଛି ଯାହା ସାର୍ବଜନୀନ କରାଯାଇ ନାହିଁ। କେନ୍ଦ୍ର ସରକାର ଏଭଳି କାହିଁକି କରୁଛନ୍ତି ବୋଲି ସିବଲ ପ୍ରଶ୍ନ କରିଛନ୍ତି।