ଭାରତୀୟ ପରମ୍ପରାରେ ପାଉଁଜି ଏବଂ ଝୁଣ୍ଟିଆର ବଡ଼ ମହତ୍ତ୍ୱ ରହିଛି। ହିନ୍ଦୁ ମହିଳାମାନେ ବିବାହ ପରେ ନାନାଦି ଶୃଙ୍ଗାର କରିଥାନ୍ତି। ଏହାପଛରେ ଧାର୍ମିକ ମହତ୍ତ୍ୱ ସହ ବୈଜ୍ଞାନିକ କାରଣ ମଧ୍ୟ ରହିଛି। ବର୍ତ୍ତମାନର ସମୟରେ ଲୋକମାନେ ନିଜର ପୋଷାକ ପରିଧାନରେ ପରିବର୍ତ୍ତନ କରିଛନ୍ତି ସତ ହେଲେ ରୀତିନୀତି ପୂର୍ବବତ୍ ରହିଛି। ଆଜିର ଆଲୋଚନାରେ ଜାଣିବା ପାଦରେ ପାଉଁଜି ଏବଂ ଝୁଣ୍ଟିଆ ପିନ୍ଧିବାର ମହତ୍ତ୍ୱ ବିଷୟରେ।
ହିନ୍ଦୁ ଧର୍ମରେ ବିବାହ ପରେ ଜଣେ ମହିଳା ପାଉଁଜି ଏବଂ ଝୁଣ୍ଟିଆ ପିନ୍ଧିଥାନ୍ତି। କାରଣ ଏହା ସଧବାର ଶୃଙ୍ଗାର ବୋଲି କୁହାଯାଏ। ହେଲେ ଏହା ପଛରେ ବୈଜ୍ଞାନିକ କାରଣ ମଧ୍ୟ ରହିଛି।
ଝୁଣ୍ଟିଆ: ଏହାକୁ ଦୁଇ ପାଦର ଆଙ୍ଗୁଠିରେ ପିନ୍ଧିବାର ପ୍ରଥା ରହିଛି। ବିଶେଷକରି ମହିଳାମାନେ ପାଦର ଦ୍ୱିତୀୟ ଏବଂ ତୃତୀୟ ଆଙ୍ଗୁଠିରେ ଝୁଣ୍ଟିଆ ପିନ୍ଧିଥାନ୍ତି। ଏପରି କରିବା ଦ୍ୱାରା ପ୍ରଜନନ କ୍ଷମତା ମଜଭୂତ ହୋଇତାଏ। ଏହାସହ ଗର୍ଭାଶୟର ରକ୍ତଚାପ ସନ୍ତୁଳିତ ରହିଥାଏ। ଏହାଛଡ଼ା ଝୁଣ୍ଟିଆ ସାଇଟିକା ଶିରାକୁ ଦବାଇଥାଏ। ଏହା ଅନ୍ୟ ଶିରାରେ ରକ୍ତ ପ୍ରବାହକୁ ନିୟନ୍ତ୍ରଣ କରିଥାଏ। ଫଳରେ ଗର୍ଭାଶୟ, ବ୍ଲାଡର ଆଦିରେ ରକ୍ତପ୍ରବାହକୁ ନିୟନ୍ତ୍ରଣ କରିଥାଏ। ଉଭୟ ପାଦରେ ଝୁଣ୍ଟିଆ ପିନ୍ଧିବା ଦ୍ୱାରା ଅନିୟମିତ ଋତୁସ୍ରାବ ସମସ୍ୟା ମଧ୍ୟ ଦୂର ହୋଇଥାଏ।
ପାଉଁଜି: ଆଜିକାଲିର ଯୁବତୀ ବିବାହ ପୂର୍ବରୁ ପାଉଁଜି ପିନ୍ଧୁଛନ୍ତି। ହେଲେ ଧାର୍ମିକ ମାନ୍ୟତାନୁଯାୟୀ ପାଉଁଜି ସଧବାର ଶୃଙ୍ଗାର ମଧ୍ୟରୁ ଗୋଟିଏ। ହେଲେ ଏହାର ବୈଜ୍ଞାନିକ କାରଣ ମଧ୍ୟ ରହିଛି। ପାଦରେ ପାଉଁଜି ପିନ୍ଧିଲେ ହାଡ଼ ମଜଭୂତ ହୋଇଥାଏ। ଏହାଛଡ଼ା ଗର୍ଭଧାରଣ ସମୟରେ ମହିଳାଙ୍କ ପାଦ ଫୁଲୁଥିଲେ ପାଉଁଜି ପିନ୍ଧିବା ଦ୍ୱାରା ଏହା ଦୂର ହୁଏ।