ଭବାନୀପାଟଣା,୨୭।୯(ଡି.ଏନ୍.ଏ): କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ କାଣୀଗୁମା ପଞ୍ଚାୟତ ଅଧୀନସ୍ଥ ଦୁର୍ଗମ ପିତମାଣ୍ଡି ଗାଁର ଜଣେ ବିଧବାଙ୍କୁ ୮୦ ବର୍ଷ ବୟସରେ ବାର୍ଦ୍ଧକ୍ୟ ଭତ୍ତା କି ରାଶନ୍ କାର୍ଡ ମିଳିନାହିଁ। ଏହା ସହ ସ୍ବାମୀଙ୍କ ମୃତ୍ୟୁକୁ ୧୦ ବର୍ଷ ପୂରିଥିଲେ ସୁଦ୍ଧା ବିଧବା ଭତ୍ତା ମଧ୍ୟ ମିଳିପାରି ନାହିଁ।
ସୂଚନାଯୋଗ୍ୟ, ବୃଦ୍ଧା ଜଣକ ହେଲେ କ୍ଷମା ମାଝି ବୟସ ପାଖାପାଖି ୮୦ ବର୍ଷ। ସ୍ବାମୀ ବିଶି ମାଝିଙ୍କ ମୃତ୍ୟୁକୁ ୧୦ ବର୍ଷରୁ ଅଧିକ ହେଲେ ମଧ୍ୟ କ୍ଷମାଙ୍କୁ ଏପର୍ଯ୍ୟନ୍ତ ବିଧବା ଭତ୍ତା କି ବାର୍ଦ୍ଧକ୍ୟ ଭତ୍ତା ଖଣ୍ଡିଏ ମିଳି ନାହିଁ। ତାଙ୍କର ଆଧାର କାର୍ଡ ହୋଇପାରି ନ ଥିବାରୁ ରାଶନ୍ ଚାଉଳ ମଧ୍ୟ ମିଳିପାରୁ ନାହିଁ। କାମଧନ୍ଦା କରିବାକୁ ବଳ ବୟସ ନାହିଁ। ତେଣୁ ବହୁ ଅସୁବିଧାରେ ଚଳୁଛନ୍ତି କ୍ଷମା। ତାଙ୍କୁ ସହାୟତା ଯୋଗାଇଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି।