କେନ୍ଦୁଝର,୧୬ା୩: କେନ୍ଦ୍ର ଓ ରାଜ୍ୟ ସରକାର ଗରିବ ଲୋକଙ୍କ କଲ୍ୟାଣ ନିମନ୍ତେ ବିଭିନ୍ନ ଯୋଜନା ପ୍ରସ୍ତୁତ କରି କାର୍ଯ୍ୟ କରି ଆସୁଛନ୍ତି। କିନ୍ତୁ ବହୁ କ୍ଷେତ୍ରରେ ଗରିବ ହିତାଧିକାରୀ ଯିଏ ଯୋଜନା ପାଇବାକୁ ହକଦାର ସେ ଯୋଜନାରୁ ବଞ୍ଚିତ ଅଛନ୍ତି।
ପ୍ରକାଶ ଯେ, କେନ୍ଦୁଝର ଜିଲା ବାଂଶପାଳ ବ୍ଲକ ଅନ୍ତର୍ଗତ ତଳ ଚମ୍ପେଇ ପଞ୍ଚାୟତ ଶିରିଶଖୁଣ୍ଟା ଗ୍ରାମରେ ଜାହାଜ ମହାକୁଡ଼ ପିତା ରାମଚନ୍ଦ୍ର ବାରିକଙ୍କ ଘରେ ରହୁଛନ୍ତି। ପୂର୍ବରୁ ସେହି ପଞ୍ଚାୟତ ରୁଗୁଡ଼ି ଗ୍ରାମରେ ବିବାହ କରିଥିଲେ। ଆଜକୁ ୧୦ ବର୍ଷ ପୂର୍ବେ ତାଙ୍କ ସ୍ବାମୀଙ୍କ ମୃତ୍ୟୁ ପରେ ଶାଶୁଘରେ ନ ରହି ନିଜ ପିତାଙ୍କ ଘରେ ରହୁଛନ୍ତି। ସେ ବିଧବା ଭତ୍ତା ପାଇଁ ଗ୍ରାମପଞ୍ଚାୟତ ବ୍ଲକ ଦଉଡ଼ି ଦଉଡ଼ି ନୟାନ୍ତ ହୋଇପଡ଼ିଥିବା କହିଛନ୍ତି। ଓ୍ବାର୍ଡମେମ୍ବର,ସରପଞ୍ଚ ଓ ବ୍ଲକକୁ ବହୁବାର ଯାଇ କାକୁତିମିନତି ହେଲେ ମଧ୍ୟ ବିଧବା ଭତ୍ତା ଆଜି ପର୍ଯ୍ୟନ୍ତ ହୋଇ ପାରି ନ ଥିବା ସେ କହିଛନ୍ତି। ବଣ ଜଙ୍ଗଲ ଘେରା ଏ ଅଞ୍ଚଳ ବାଂଶପାଳ ବ୍ଲକରୁ ପ୍ରାୟ ୫୦ କିମି ଦୂରତାରେ ଓ ବ୍ଲକର ଶେଷ ସୀମାରେ ଏ ଗ୍ରାମଟି ଅବସ୍ଥିତ ଥିବାରୁ ବାରମ୍ବାର ବ୍ଲକକୁ ଯିବା ତାଙ୍କ ପକ୍ଷେ ବହୁତ କଷ୍ଟସାଧ୍ୟ ଏବଂ ତାଙ୍କର ଆର୍ଥିକ ସ୍ଥିତି ଭଲ ନାହିଁ ବୋଲି କହିଛନ୍ତି। ଏଣୁ ବ୍ଲକ ପ୍ରଶାସନ ଏବଂ ପଞ୍ଚାୟତ ସରପଞ୍ଚ,ଓ୍ବାର୍ଡମେମ୍ବର ଜାହାଜ ମହକୁଡ଼ଙ୍କୁ ବିଧବା ଭତ୍ତା ବ୍ୟବସ୍ଥା କରିବାକୁ ସେ ସମସ୍ତଙ୍କୁ ଆକୁଳ ନିବେଦନ ସହିତ ଗ୍ରାମବାସୀ ଅନୁରୋଧ କରିଛନ୍ତି।