ନୂଆଦିଲ୍ଲୀ,୧୯।୧୨: ବିରାଟ କୋହଲିଙ୍କ ସ୍ଥାନରେ ରୋହିତ ଶର୍ମାଙ୍କୁ ଭାରତ ଦିନିକିଆ ଦଳର ଅଧିନାୟକ କରାଯିବା ପରଠାରୁ ବିସିସିଆଇର ସଭାପତି ସୌରଭ ଗାଙ୍ଗୁଲିଙ୍କୁ ନେଇ ଚର୍ଚ୍ଚା ଲାଗି ରହିଛି। ଏପର୍ଯ୍ୟନ୍ତ ବିବାଦ ସୃଷ୍ଟି କରିବା ଭଳି ସେଭଳି କିଛି କହି ନ ଥିଲେ ହେଁ ବିସିସିଆଇ ଏହି ମାମଲାକୁ ଆଭ୍ୟନ୍ତରୀଣ ଭାବେ ପରିଚାଳନା କରିବ ବୋଲି କହିଥିଲେ। ଏହାଛଡ଼ା ଗୁରୁଗାଓଁରେ ଏକ କାର୍ଯ୍ୟକ୍ରମରେ ଯୋଗଦେଇ ଗାଙ୍ଗୁଲି ଅନେକ ବିଷୟ ଉପରେ ମତ ରଖିଥିଲେ।
ଉକ୍ତ କାର୍ଯ୍ୟକ୍ରମରେ ଗାଙ୍ଗୁଲିଙ୍କୁ ଜୀବନରେ ଆସୁଥିବା ସମସ୍ତ ପ୍ରକାର ଚାପକୁ କିଭଳି ମୁକାବିଲା କରିବେ ବୋଲି ପଚରାଯାଇଥିଲା। ଏହାର ଜବାବ ଦେଇ ଗାଙ୍ଗୁଲି କହିଥିଲେ ଜୀବନରେ କୌଣସି ଚାପ ନାହିଁ। କେବଳ ସ୍ତ୍ରୀ ଏବଂ ପ୍ରେମିକା ଚାପ ଦିଅନ୍ତି।
ଏହାଛଡ଼ା ଗାଙ୍ଗୁଲିଙ୍କୁ କେଉଁ ଖେଳାଳିଙ୍କ ମନୋଭାବ ପସନ୍ଦ ବୋଲି ପଚରାଯାଇଥିଲା। ଜବାବରେ ବିରାଟ କୋହଲିଙ୍କ ନାମ ନେଇଥିଲେ ସେ। କୋହଲିଙ୍କ ଆଟିଚ୍ୟୁଡ୍ ବହୁତ ପସନ୍ଦ କରେ ହେଲେ ସେ ବହୁତ ଝଗଡ଼ା କରନ୍ତି ବୋଲି ସେ କହିଥିଲେ।