କାନପୁର,୩୦।୮: ଉତ୍ତର ପ୍ରଦେଶର କାନପୁରରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ଏଠାରେ ଜଣେ ଯୁବତୀଙ୍କ ଆତ୍ମହତ୍ୟା ଖବର ଜଣାପଡିବା ପୋଲିସ ଘଟଣାସ୍ଥଳରୁ ଏକ ସୁଇସାଇଟ୍ ନୋଟ୍ ଜବତ କରିଛି। ନୋଟ୍ରେ ଆଇ ଲଭ୍ ୟୁ ବାବୁ ଲେଖାଯାଇଥିବାବେଳେ କ’ଣ ପାଇଁ ଯୁବତୀ ଜଣଙ୍କ ଆତ୍ମହତ୍ୟା କଲେ ତାହାର ତଦନ୍ତ ଆରମ୍ଭ କରିଛି ପୋଲିସ। ସୂଚନାଯୋଗ୍ୟ,କଲ୍ୟାଣପୁରର କେଶମପୁରମରେ କୋଚିଂ ସଂଚାଳକ ଅବନୀଶ ଶର୍ମା ସ୍ତ୍ରୀ କମଲପ୍ରୀତ କୌର ନିଜ ହାତ ଶିର କାଟି ଫାଶୀ ଲଗାଇ ଆତ୍ମହତ୍ୟା କରିଥିଲେ। ପୋଲିସ ସୂଚନା ପାଇ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଏକ ସୁଇସାଇଡ୍ ନୋଟ୍ ଉଦ୍ଧାର କରିଥିଲା। ମଁୁ ସ୍ବଇଚ୍ଛାରେ ଆତ୍ମହତ୍ୟା କରୁଛି, ଏଥିପାଇଁ ମୋ ସ୍ବାମୀ ଏବଂ ଶାଶୁଘର ଲୋକଙ୍କ କୌଣସି ଚାପ ନାହିଁ ବୋଲି ନୋଟ୍ରେ ଲେଖାଥିଲା। କିନ୍ତୁ ମୃତକାଙ୍କ ପିତା ତାଙ୍କ ଝିଅକୁ ଯୌତୁକ ନିର୍ଯାତନା ଦିଆଯାଉଥିବା ସହ ଅବିନାଶ ଆଉ ଜଣେ ଯୁବତୀଙ୍କ ବିବାହ କରିଥିବା ସେ ଅଭିଯୋଗ କରିଛନ୍ତି। ପିତା ଅବିନାଶ, ନଣନ୍ଦ ବିନା, ମାନସୀ ଏବଂ ଶାଶୁଙ୍କ ବିରୋଧରେ ଏକ ମାମଲା ରୁଜୁ କରିଛନ୍ତି। କଲ୍ୟାଣପୁର ଇନ୍ସପେକ୍ଟର ଅଜୟ ସେଠ୍ କହିଛନ୍ତି ଯେ ପିତାଙ୍କ ଆଧାରରେ ରିପୋର୍ଟ ଦାଖଲ କରି ମାମଲାର ତଦନ୍ତ କରାଯାଉଛି। ଅବିନାଶ ଏବଂ କମଲପ୍ରୀତ ପ୍ରେମ ବିବାହ କରିଥିଲେ ବୋଲି ପୋଲିସ ସୂଚନା ଦେଇଛି।