ଆଗ୍ରା,୧।୩: ଉତ୍ତରପ୍ରଦେଶର ଆଗ୍ରାରୁ ଏକ ଆଶ୍ଚର୍ଯ୍ୟ ଜନକ ଘଟଣା ସାମ୍ନାକୁ ଆସିଛି। ସ୍ବାମୀଙ୍କ ମନଲାଖି ଶାଢୀ ନ ପିନ୍ଧିବାରୁ ସ୍ବାମୀ-ସ୍ତ୍ରୀଙ୍କ ମଧ୍ୟରେ ଫାଟ ଦେଖାଯାଇଛି। କଥା ଯାଇ ପହଞ୍ଚିଛି ଥାନାରେ। ଥାନାରେ ବ୍ୟକ୍ତିଜଣକ ତାଙ୍କ ସ୍ତ୍ରୀଙ୍କୁ ଛାଡପତ୍ର ଦେବାକୁ ଦାବି କରିଛନ୍ତି।
ଘଟଣା ହେଉଛି, ସ୍ବାମୀ ତାଙ୍କ ସ୍ତ୍ରୀଙ୍କୁ ମନଲାଖି ଶାଢୀ ପିନ୍ଧିବାକୁ ଦିଅନ୍ତି। ସ୍ତ୍ରୀ ଏହାକୁ ନ ପିନ୍ଧିବାରୁ ଦୁହିଁଙ୍କ ଭିତରେ ଝଗଡା ହୁଏ। ଝଗଡା ଉଗ୍ରରୂପ ଧାରଣ କରିବାରୁ ସ୍ତ୍ରୀ ଘର ଛାଡି ବାପଘରକୁ ଚାଲିଯାଆନ୍ତି। ହେଲେ ସ୍ବାମୀ ଏକଥାରେ ରାଗିଯାଇ ଥାନାରେ କେସ୍ କରନ୍ତି।
ଏନେଇ ସ୍ବାମୀ କହିଛନ୍ତି, ସେ ତାଙ୍କ ସ୍ତ୍ରୀଙ୍କୁ ବହୁତ ଭଲ ପାଆନ୍ତି। ସେ ଚାହାନ୍ତି ସ୍ତ୍ରୀ ତାଙ୍କ ପସନ୍ଦର ଶାଢୀ ପିନ୍ଧନ୍ତୁ। ନିଜ ମନଲାଖି ଶାଢୀରେ ସ୍ତ୍ରୀଙ୍କୁ ଦେଖିଲେ ସେ ବୁତ ଖୁସି ହୁଅନ୍ତି। ଅନ୍ୟପକ୍ଷରେ, ସ୍ତ୍ରୀ କହିଛନ୍ତି, ସେ ପ୍ରାୟତଃ ସ୍ବାମୀଙ୍କ ପସନ୍ଦର ଶାଢୀ ପିନ୍ଧନ୍ତି। ବେଳେବେଳେ ସେ ନିଜ ପସନ୍ଦର ଶାଢୀ ପିନ୍ଧିଲେ, ସ୍ବାମୀ ରାଗି ଯାଆନ୍ତି ଏବଂ ନାନା କଥା ଶୁଣାନ୍ତି।