ଜଣେ ମହିଳାଙ୍କ ଭିଡିଓ ସୋସିଆଲ ମିଡିଆରେ ଏବେ ଖୁବ୍ ଭାଇରାଲ ହେଉଛି। ଯେଉଁଥିରେ ମହିଳା ଜଣଙ୍କ ତାଙ୍କ ସ୍ବାମୀଙ୍କୁ ଭାଲେଣ୍ଟାଇନ୍ ଡେ’ରେ ଅଜବ ଗିଫ୍ଟ ପ୍ରଦାନ କରିଛନ୍ତି। ସ୍ବାମୀ ଜଣକ ସୋସିଆଲ ମିଡିଆରେ ଯେଉଁ ମହିଳାମାନଙ୍କୁ ଲାଇକ୍ କରନ୍ତି ସ୍ତ୍ରୀ ସେହି ମହିଳାମାନଙ୍କ ଫଟୋଗୁଡ଼ିକର ପ୍ରିଣ୍ଟ୍ କାଢ଼ି ସ୍ବାମୀଙ୍କୁ ଭାଲେଣ୍ଟାଇନ୍ ଡେ’ରେ ଉପହାର ଦେଇଛନ୍ତି।
ଗ୍ଲୋରିଆ ନାମକ ଜଣେ ଟିକ୍ଟକ୍ ୟୁଜର ଆମେରିକାରେ ରୁହନ୍ତି। ତାଙ୍କ ସ୍ବାମୀଙ୍କୁ ସେ ଏପରି ଅଜବ ଗିଫ୍ଟ ପ୍ରଦାନ କରିଛନ୍ତି। ସୋସିଆଲ ମିଡିଆରେ ଭିଡିଓ ଶେୟାର କରି ସେ କ୍ୟାପଶନ ଲେଖିଛନ୍ତି, ଆପଣ ସ୍ବାମୀ/ବୟଫ୍ରେଣ୍ଡଙ୍କୁ କ’ଣ ଗିଫ୍ଟ ଦେଲେ? ମୋ’ ଗିଫ୍ଟ ଏମିତି। ଏହି ଭିଡିଓଟି ପୋଷ୍ଟ ହେବାର ଗୋଟିଏ ଦିନ ପରେ ଅର୍ଥାତ୍ ଆଜିସୁଦ୍ଧା ୨୮ ଲକ୍ଷରୁ ଅଧିକ ଥର ଦେଖାସରିଲାଣି। ଗ୍ଲୋରିଆ ଇନ୍ଷ୍ଟାଗ୍ରାମରୁ ସମସ୍ତ ମହିଳାଙ୍କ ଫଟୋକୁ ଡାଉନଲୋଡ୍ କରି ଏହାର ପ୍ରିଣ୍ଟ କାଢ଼ିଥିଲେ। ଏହା ପରେ ଫଟୋଗୁଡ଼ିକରେ ଷ୍ଟିକର ଲଗାଇ ସ୍ବାମୀଙ୍କୁ ଭାଲେଣ୍ଟାଇନ୍ ଉପହାର ଦେଇଥିଲେ। ଭିଡିଓରେ ଗ୍ଲୋରିଆ କହୁଛନ୍ତି, ଆପଣମାନେ ଆପଣଙ୍କ ଭାଲେଣ୍ଟାଇନଙ୍କୁ କ’ଣ ସବୁ ଗିଫ୍ଟ କରିଛନ୍ତି। ମୁଁ ଏବେ ଆପଣମାନଙ୍କୁ ‘ଏକ ସୁନ୍ଦର ଛୋଟ ବାକ୍ସ’ ଦେଖାଉଛି। ଏହା ଦେଖିବା ପରେ ଲୋକେ ଗ୍ଲୋରିଆଙ୍କୁ ଖୁବ୍ ପ୍ରଶଂସା କରୁଛନ୍ତି।
ଜଣେ ୟୁଜର ଲେଖିଛନ୍ତି, ଆପଣଙ୍କ ସ୍ବାମୀଙ୍କ ପ୍ରତିକ୍ରିୟା କ’ଣ ଦେଖାନ୍ତୁ। ସେହିପରି ଆଉ ଜଣେ ୟୁଜର ଲେଖିଛନ୍ତି, କ’ଣ ସ୍ବାମୀ ଅନ୍ୟ ମହିଳାମାନଙ୍କ ଫଟୋ ଦେଖି ଲାଇକ୍ କରିପାରିବେନି? ଭଲ ହୋଇଛି ମୁଁ ସିଙ୍ଗଲ ଅଛି। ପରେ ଗ୍ଲୋରିଆ ଏକ ଭିଡିଓରେ ପ୍ରତିକ୍ରିୟାଗୁଡ଼ିକ ଶେୟାର କରିଛନ୍ତି।