ଓ୍ବାଶିଂଟନ,୨୬।୧୨: ଡୋନାଲ୍ଡ ଟ୍ରମ୍ପଙ୍କ ପ୍ରଥମ କାର୍ଯ୍ୟକାଳ ମଧ୍ୟରେ, ତାଙ୍କ ପତ୍ନୀ ମେଲାନିଆ ଟ୍ରମ୍ପ ବହୁତ ଲୋ ପ୍ରୋଫାଇଲ ମେଣ୍ଟେନ କରୁଥିଲେ ଏବଂ ଚର୍ଚ୍ଚାରୁ ଦୂରେଇ ରହିଥିଲେ, କିନ୍ତୁ ଏଥର ମେଲାନିଆ ଟ୍ରମ୍ପ ଡୋନାଲ୍ଡ ଟ୍ରମ୍ପଙ୍କ ନିର୍ବାଚନ ପ୍ରଚାରରେ ଅତ୍ୟନ୍ତ ସକ୍ରିୟ ଥିବା ଜଣାପଡିଛି। ମିଡିଆ ରିପୋର୍ଟ ଅନୁଯାୟୀ, ମେଲାନିଆ ଟ୍ରମ୍ପ ନିକଟରେ ରୋଜଲିନ କାର୍ଟନଙ୍କ ଅନ୍ତିମ ସଂସ୍କାରରେ ଯୋଗ ଦେଇଥିଲେ ଏବଂ ଟ୍ରମ୍ପଙ୍କ ସହ ଅନ୍ୟାନ୍ୟ କାର୍ଯ୍ୟକ୍ରମରେ ମଧ୍ୟ ତାଙ୍କୁ ଦେଖିବାକୁ ମିଳିଥିଲା।
ଆମେରିକୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ଟ୍ରମ୍ପ ପରିବାର ନିଶ୍ଚିତ ଅଛନ୍ତି ଯେ ଡୋନାଲ୍ଡ ଟ୍ରମ୍ପ ପୁଣି ଥରେ ଆମେରିକାର ରାଷ୍ଟ୍ରପତି ହେବାକୁ ଯାଉଛନ୍ତି। ଟ୍ରମ୍ପ ପରିବାରର ନିକଟବର୍ତ୍ତୀ ଲୋକମାନେ ଦାବି କରିଛନ୍ତି ଯେ ମେଲାନିଆ ଟ୍ରମ୍ପ ବର୍ତ୍ତମାନ ମଧ୍ୟ ଟ୍ରମ୍ପଙ୍କ ଅଭିଯାନର ଏକ ସକ୍ରିୟ ଅଂଶ ହୋଇପାରିଛନ୍ତି। ଗତ ଶୁକ୍ରବାର ୱାଶିଂଟନ ଡିସିରେ ଥିବା ଜାତୀୟ ଅଭିଲେଖାଗାରରେ ଆୟୋଜିତ ଏକ କାର୍ଯ୍ୟକ୍ରମରେ ୨୫ ଜଣ ପ୍ରବାସୀଙ୍କୁ ଆମେରିକୀୟ ନାଗରିକତ୍ୱ ପ୍ରଦାନ କରାଯାଇଥିଲା। ଏହି ସମୟରେ ମେଲାନିଆ ଟ୍ରମ୍ପ ଏକ ପ୍ରଭାବଶାଳୀ ଭାଷଣ ଦେଇଥିଲେ ଏବଂ କହିଥିଲେ ଯେ ସେ ମଧ୍ୟ କିପରି ଜଣେ ପ୍ରବାସୀ ଭାବରେ ଆମେରିକାରେ ଆସି ଏଠାରେ ନାଗରିକ ହୋଇଥିଲେ। ମେଲାନିଆ ଟ୍ରମ୍ପଙ୍କ ସକ୍ରିୟତା ଆମେରିକାରେ ମଧ୍ୟ ଚର୍ଚ୍ଚାର ବିଷୟ ପାଲଟିଛି।
