ଇନଫୋସିସ ପ୍ରତିଷ୍ଠାତାଙ୍କ ସ୍ତ୍ରୀ ଖାଇବା ପାଇଁ ସବୁବେଳେ ପାଖରେ ରଖନ୍ତି ଚାମଚ,ରାନ୍ଧିବା ଲାଗି କୁକର ନେଇଥା’ନ୍ତି ବିଦେଶ…

ନୂଆଦିଲ୍ଲୀ,୨୬।୭ : ଇନଫୋସିସ ପ୍ରତିଷ୍ଠାତା ନାରାୟଣ ମୁର୍ତ୍ତିଙ୍କ ଜଣାଶୁଣା ଲେଖିକା ତଥା ସ୍ତ୍ରୀ ସୁଧା ମୁର୍ତ୍ତି ତାଙ୍କର ସରଳତା ଏବଂ ପ୍ରେରଣାଦାୟକ ଭାଷଣ ପାଇଁ ଜଣାଶୁଣା। ନିକଟରେ ଏକ ସାକ୍ଷାତକାରରେ ନାରାୟଣ ମୁର୍ତ୍ତିଙ୍କ କମ୍ପାନୀ ଇନଫୋସିସର ପ୍ରଥମ ଆଞ୍ଜେଲ ଭେଷ୍ଟର ସୁଧା ମୁର୍ତ୍ତି ଖାଦ୍ୟ ବିଷୟରେ କହିଥିଲେ। ସେ ପ୍ରକାଶ କରିଥିଲେ ଯଦି ସେ ବିଦେଶ ଯାଆନ୍ତି ତେବେ ଖାଇବାକୁ ଡରୁଛନ୍ତି। ସେଥିପାଇଁ ସେ ଏକ ବ୍ୟାଗ ଭର୍ତ୍ତି କରି ଖାଦ୍ୟ ସାମଗ୍ରୀ ନେଇଥାନ୍ତିି।

ସେ ଏକ ସାକ୍ଷାତକାରରେ କହିଛନ୍ତି ସେ ଜଣେ ଶୁଦ୍ଧ ଶାକାହାରୀ ଏବଂ ସାଧାରଣତଃ ତାଙ୍କ ସହିତ ତାଙ୍କ ଖାଦ୍ୟ ବହନ କରନ୍ତି କାରଣ ସେ ଚିନ୍ତିତ ହୋଟେଲରେ ସମାନ ଚାମଚ ଉଭୟ ଶାକାହାରୀ ଏବଂ ଅଣ ଶାକାହାରୀ ଖାଦ୍ୟ ପାଇଁ ବ୍ୟବହୃତ ହୋଇଥାଏ।

ସୁଧା ମୁର୍ତ୍ତି କହିଛନ୍ତି କାହାଣୀରେ ତାଙ୍କୁ ରୋମାଞ୍ଚ ପସନ୍ଦ, କିନ୍ତୁ ବାସ୍ତବ ଜୀବନରେ ଖାଦ୍ୟକୁ ନେଇ ନୁହେଁ । ସତ କହିବାକୁ ଗଲେ ମୁଁ ଭୟଭୀତ ଅଟେ। ମୁଁ ଏକ ଶୁଦ୍ଧ ଶାକାହାରୀ, ଅଣ୍ଡା ଏବଂ ରସୁଣ ମଧ୍ୟ ଖାଏ ନାହିଁ। ଭୟ ହେଉଛି ସମାନ ଚାମଚ ଯାହା ଶାକାହାରୀମାନଙ୍କୁ ଦିଆଯାଏ, ଅଣ ଶାକାହାରୀମାନେ ମଧ୍ୟ ଖାଇବା ପାଇଁ ବ୍ୟବହାର କରନ୍ତି। ତେଣୁ ଯେତେବେଳେ ଆମେ ବାହାରକୁ ଯାଉ, ମୁଁ କେବଳ ଶାକାହାରୀ ରେଷ୍ଟୁରାଣ୍ଟ ଖୋଜେ କିମ୍ବା ମୁଁ ଭରପୂର ବ୍ୟାଗ ଖାଦ୍ୟ ନେଇଥାଏ ବୋଲି ସେ କହିଛନ୍ତି। ମୁଁ ପୂର୍ବରୁ ପ୍ରସ୍ତୁତ-ହୋଇଥିବା ଖାଇବା ଜିନିଷ ବହନ କରେ ଯାହାକୁ କେବଳ ପାଣିରେ ଗରମ କରି ରନ୍ଧାଯାଇପାରିବ। ସେଥିପାଇଁ ପୋହାକୁ ମୁଁ ସାଥିରେ ନେଇଥାଏ।

ତାଙ୍କ କଥାବାର୍ତ୍ତାର ଭିଡିଓ ଆସିବା ମାତ୍ରେ ଲୋକମାନେ ସୋସିଆଲ ମିଡିଆରେ ଅନେକ ପ୍ରଶ୍ନ ପଚାରିବା ଆରମ୍ଭ କରିଥିଲେ। ଉପଭୋକ୍ତା ତୁରନ୍ତ ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନାକଙ୍କ ବିଭିନ୍ନ ପ୍ରକାରର ମାଂସ ସହିତ ଏକ ଫଟୋ ପୋଷ୍ଟ କରି ପଚାରିଥିଲେ ସୁନାକଙ୍କ ପାଖରେ ଶାଶୁ ସୁଧା ମୁର୍ତ୍ତିଙ୍କ ପାଇଁ ଅଲଗା ଚାମଚ ଅଛି କି?