ନୂଆଦିଲ୍ଲୀ,୧୩।୭: ଜୁଲାଇ ୧୯ ୨୦୨୩, ସିଆଚେନର ଏକ ସେନା ବଙ୍କରରେ ନିଆଁ ଲାଗିଯାଇଥିଲା। କିଛି ଯବାନ ସେହି ନିଆଁରେ ଫସି ଯାଇଥିଲେ। ନିଜ ସାଥୀମାନଙ୍କୁ ବିପଦରେ ପଡ଼ିଥିବାର ଦେଖି କ୍ୟାପଟେନ ଅଂଶୁମାନ ଜଳୁଥିବା ବଙ୍କରକୁ ଡେଇଁ ପଡିଥିଲେ। ଆଉ ନିଜ ଜୀବନ ସହ ଖେଳି ତିନିଜଣ ସାଥୀଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲେ। କିନ୍ତୁ ସାଙ୍ଗଙ୍କୁ ବଞ୍ଚାଇବାକୁ ଯାଇ ନିଜେ ଜଳି ଯାଇଥିଲେ। ଏହାପରେ ତାଙ୍କର ମୃତ୍ୟୁ ହୋଥିଲା।
ତାଙ୍କର ସାହସିକତାକୁ ଦୃଷ୍ଟିରେ ରଖି ଭାରତ ସରକାର ତାଙ୍କୁ କିଛି ଦିନ ପୂର୍ବରୁ କୀର୍ତ୍ତିଚକ୍ର ସହିତ ସମ୍ମାନିତ କରିଥିଲେ। କିନ୍ତୁ ବର୍ତ୍ତମାନ ପଦକ ଏବଂ ଦଲିଲକୁ ନେଇ ଅଂଶୁମାନ ସିଂଙ୍କ ପିତାମାତା ଏବଂ ତାଙ୍କ ସ୍ତ୍ରୀଙ୍କ ମଧ୍ୟରେ ବିବାଦ ଦେଖାଦେଇଛି। ତେବେ ଆପଣ ଜାଣନ୍ତି କି, ଯବାନଙ୍କ ଶହୀଦ ପରେ ତାଙ୍କୁ ମିଳୁଥିବା କ୍ଷତିପୂରଣ ପିତାମାତା ନା ସ୍ତ୍ରୀଙ୍କୁ ମିଳିଥାଏ। ଆଉ ତାଙ୍କୁ କେତେଟଙ୍କା ମିଳିଥାଏ।
NOK ର ଅର୍ଥ ହେଉଛି ‘କିନର ପରବର୍ତ୍ତୀ’ । ସରଳ ଭାଷାରେ କହିଲେ, ନିକଟତମ ପରିବାର ସଦସ୍ୟଙ୍କୁ ବୁଝାଯାଏ। ଜଣେ ବ୍ୟକ୍ତିଙ୍କ ନିକଟତମ ସମ୍ପର୍କୀୟ କିମ୍ବା ଆଇନଗତ ପ୍ରତିନିଧୀଙ୍କ ପାଇଁ ଆମେ ଏହି ଶବ୍ଦ ବ୍ୟବହାର କରିଥାଉ। ସେନାରେ ମଧ୍ୟ ଏହି ବିଷୟରେ ଏକ ନିୟମ ରହିଛି। ଯେତେବେଳେ ଜଣେ ବ୍ୟକ୍ତି ଭାରତୀୟ ସେନାରେ ଯୋଗ ଦିଅନ୍ତି, ସେତେବେଳେ ତାଙ୍କୁ ତାଙ୍କର କୌଣସି ସମ୍ପର୍କୀୟ କିମ୍ବା ନିକଟତମ ବ୍ୟକ୍ତିଙ୍କୁ NOK ରେ ତାଲିକାଭୁକ୍ତ କରିଥା’ନ୍ତି। ଅଧିକାଂଶ କ୍ଷେତ୍ରରେ, NOK ତାଲିକାରେ ପିତାମାତା ରହଥିବାର ଦେଖାଯାଏ। କାରଣ ସେନାରେ ଯୋଗଦେବା ସମୟରେ ଅଧିକାଂଶ ସୈନିକ ବିବାହ କରି ନ’ଥାନ୍ତି। ପରେ, ଯେତେବେଳେ ଯବାନ ବିବାହ କରନ୍ତି, ସେ ତାଙ୍କ ସ୍ତ୍ରୀଙ୍କ ନାମକୁ NOK ରେ ତାଲିକାଭୁକ୍ତ କରନ୍ତି।
ଯେତେବେଳେ ସେନାରେ କାର୍ଯ୍ୟ କରୁଥିବା ବ୍ୟକ୍ତିଙ୍କ ସହିତ କିଛି ଘଟେ, ଅନୁଗ୍ରହ ରାଶି କେବଳ ସେହି ବ୍ୟକ୍ତିଙ୍କୁ ଦିଆଯାଏ ଯାହାର ନାମ NOK ରେ ରହିଥାଏ। ସେନାରେ ନିଯୁକ୍ତି ସମୟରେ ପାର୍ଟ-୨ ନାମକ ଏକ ଡକ୍ୟୁମଣ୍ଟ ପୂରଣ କରାଯାଏ। ଏହି ଡକ୍ୟୁମେଣ୍ଟରେ ଏହା ସ୍ଥିର ହୋଇଛି ଯେ, ଯବାନ ଯାହାକୁ NOK ରେ କେମିତି ରଖନ୍ତି ଏବଂ କେତେ ପ୍ରତିଶତରେ ରଖନ୍ତି ସେହିପରି ଭାବରେ ଟଙ୍କା ଆବଣ୍ଟନ କରାଯାଏ।
ସାଧାରଣତ ବିବାହିତ ଯବାନମାନେ ୭୦:୩୦ର ସୂତ୍ର ଅନୁସରଣ କରନ୍ତି। ଏହାର ଅର୍ଥ ସ୍ତ୍ରୀଙ୍କ ନାମରେ ୭୦ ପ୍ରତିଶତ ଏବଂ ପିତାମାତାଙ୍କ ନାମରେ ୩୦ ପ୍ରତିଶତ ଅଂଶଧନ ରଖିଥାନ୍ତି। ଯେତେବେଳେ କିଛି ଯବାନ ଏହାକୁ ୫୦:୫୦ ଆଧାରରେ ରଖନ୍ତି। ଏହାର ଅର୍ଥ ପିତାମାତାଙ୍କ ନାମରେ ୫୦ପ୍ରତିଶତ ଏବଂ ସ୍ତ୍ରୀଙ୍କ ନାମରେ ୫୦ ପ୍ରତିଶତ। ତେବେ ତାଙ୍କ ଦ୍ୱାରା ସ୍ଥିର ହୋଇଥିବା ସୂତ୍ର ଅନୁଯାୟୀ ଯବାନଙ୍କ NOK କୁ ଅନୁଗ୍ରହ ରାଶି ପ୍ରଦାନ କରାଯାଇଥାଏ।