ନୂଆଦିଲ୍ଲୀ,୧୨।୫: ଇଂଲଣ୍ଡର କିମ୍ବଦନ୍ତୀ କ୍ରିକେଟ ଖେଳାଳି ଜେମ୍ସ ଆଣ୍ଡରସନ କ୍ରିକେଟର ସମସ୍ତ ଫର୍ମାଟରୁ ଅବସର ଘୋଷଣା କରିଛନ୍ତି। ୨୦ ବର୍ଷର ଚମତ୍କାର କ୍ୟାରିୟର ପରେ ସେ ଏହି ନିଷ୍ପତ୍ତି ନେଇଛନ୍ତି। ଆଣ୍ଡରସନଙ୍କ କାହାଣୀ କେବଳ କ୍ରିକେଟ ମଧ୍ୟରେ ସୀମିତ ନୁହେଁ କିନ୍ତୁ ତାଙ୍କର ପ୍ରେମ କାହାଣୀ ମଧ୍ୟ ବେଶ୍ ଆକର୍ଷଣୀୟ।
ଜେମ୍ସ ଆଣ୍ଡରସନ ୨୦୦୬ରେ ମଡେଲ ଡାନିଏଲ ଲୟଡଙ୍କୁ ବିବାହ କରିଥିଲେ। ଦୁହେଁ ପ୍ରଥମେ ୨୦୦୪ରେ ଲଣ୍ଡନର ଏକ ନାଇଟ କ୍ଲବ୍ରେ ସାକ୍ଷାତ ହୋଇଥିଲେ। ପ୍ରଥମ ଦେଖାରେ ଉପରେ ପରସ୍ପରର ପ୍ରେମରେ ପଡିଯାଇଥିଲେ। ଦୁଇ ବର୍ଷର ସମ୍ପର୍କ ପରେ ସେମାନେ ବିବାହ କରିଥିଲେ। ବିବାହ ପରେ ଡାନିଏଲ ତାଙ୍କ ମଡେଲିଂ କ୍ୟାରିଅର୍ ଛାଡି ସ୍ବାମୀଙ୍କ ସହ ଲଣ୍ଡନକୁ ଚାଲିଗଲେ। ସେ ତାଙ୍କ ପରିବାର ଏବଂ ଦାତବ୍ୟ ସଂସ୍ଥା ପାଇଁ କାର୍ଯ୍ୟ କରନ୍ତ। ଜେମ୍ସ ଆଣ୍ଡରସନ ଏବଂ ଡାନିଏଲଙ୍କର ଦୁଇଟି ଝିଅ ଅଛନ୍ତି।
ଟେଷ୍ଟ କ୍ରିକେଟରେ ସର୍ବାଧିକ ଉଇକେଟ ନେଇଥିବା ବୋଲର ହେଉଛନ୍ତି ଆଣ୍ଡରସନ। ସେ ୧୮୭ ଟେଷ୍ଟ ମ୍ୟାଚରେ ୭୦୦ ଉଇକେଟ ନେଇଛନ୍ତି। ଟେଷ୍ଟ କ୍ରିକେଟରେ ସର୍ବାଧିକ ମ୍ୟାଚ ଖେଳିଥିବା ଖେଳାଳି ତାଲିକାରେ ସେ ଦ୍ୱିତୀୟ ସ୍ଥାନରେ ଅଛନ୍ତି। ଏଥିସହ ଟେଷ୍ଟ, ଦିନିକିଆ ଏବଂ ଟି-୨୦ ସମେତ ଗୋଟିଏ ଗ୍ରାଉଣ୍ଡରେ ସର୍ବାଧିକ ଉଇକେଟ୍ ନେବାରେ ସେ ତୃତୀୟ ସ୍ଥାନରେ ଅଛନ୍ତି।