ଭୁବନ,୭।୨(ଡି.ଏନ.ଏ.): ଭୁବନ ସରସ୍ବତୀ ଶିଶୁ ବିଦ୍ୟାମନ୍ଦିର ନିକଟରୁ ସୋମବାର ଏକ ଶାଳିଆପତନି ଉଦ୍ଧାର କରାଯାଇଛି। ଶାଳିଆପତନିଟି ନୂଆଭୁବନ ଶିଶୁ ବିଦ୍ୟାମନ୍ଦିର ନିକଟସ୍ଥ ରାସ୍ତାପାର୍ଶ୍ୱରେ ବୁଲୁଥିବା ବେଳେ ଅଞ୍ଚଳବାସୀ ଉଦ୍ଧାର କରି ବନବିଭାଗକୁ ହସ୍ତାନ୍ତର କରିଥିଲେ। ପ୍ରାଣୀ ଚିକିତ୍ସାଳୟରେ ଚିକିତ୍ସା ପରେ ରେଞ୍ଜର ଅନିତା ସେଠୀଙ୍କ ନିର୍ଦ୍ଦେଶକ୍ରମେ ଫରେଷ୍ଟର କବିତା ବିଶ୍ୱାଳ, ବନ କର୍ମଚାରୀ ତାହାକୁ କପିଳାସ ଚିଡ଼ିଆଖାନାକୁ ପ୍ରଦାନ କରିଥିଲେ।