ପାଟଣା,୧୨।୧୧(ସ୍ବ.ପ୍ର.): କେନ୍ଦୁଝର ଜିଲା ପାଟଣା ରେଞ୍ଜରେ ୫ ଦିନ ହେବ ୨୪ ଟିକିଆ ବଣୁଆ ହାତୀପଲଙ୍କ ଦୌରାତ୍ମ୍ୟ ବଢ଼ି ଚାଲିିଛି। ହାତୀପଲ ଶୁକ୍ରବାର ବିଳମ୍ବିତ ରାତିରେ ମଲ୍ଲିପଶି ବିଟ୍ ମୂଷାଖରୀ ଗାଁ କାଶିଆ ସାହିରେ ୩ ଜଣଙ୍କ ଘର ଭାଙ୍ଗି ଦେଇଛନ୍ତି। ଫପ ମୁଣ୍ଡାଙ୍କ ଏକ ବଖରା, ଗଙ୍ଗା ମୁଣ୍ଡାଙ୍କ ଏକ ଛପର ଘର ଓ ହରେକୃଷ୍ଣ ନାଏକଙ୍କ ଘରକୁ ହାତୀ ଭାଙ୍ଗଛନ୍ତି। ଘର ଭିତରେ ଥିବା ଲୋକେ ଅଳ୍ପକେ ବର୍ତ୍ତି ଯାଇ ଥିବା ବେଳେ ବ୍ୟାପକ ଧାନ ଓ କଦଳୀ ଫସଲ ନଷ୍ଟ କରିଛନ୍ତି। ହାତୀପଲ ଅଞ୍ଚଳରେ ଏକର ଏକର ଧାନ ଫସଲ ଖାଇବା ଶହ ଦଳି ଚକଟି ନଷ୍ଟ କରିଛନ୍ତି। ଗାଁ ନିକଟରେ ହାତୀପଲ ବୁଲୁଥିବାରୁ ଲୋକେ ଭୟଭୀତ ଅବସ୍ଥାରେ ରହୁଛନ୍ତି। ଖୁବ୍ଶୀଘ୍ର ଅଞ୍ଚଳରୁ ହାତୀପଲଙ୍କୁ ଘଉଡାଇବାକୁ ଅଞ୍ଚଳବାସୀ ଦାବି କରିଛନ୍ତି। ଘଟଣାସ୍ଥଳରେ ପାଟଣା ଫରେଷ୍ଟର ଚିତ୍ତରଞ୍ଜନ ପରିଡା ଓ କ୍ଷୀରେଇ ଟାଙ୍ଗିରି ଫରେଷ୍ଟର ସୁନିତା ବିଘେଲ ପାରାଷ୍ଟାଫ ସହାୟତାରେ ହାତୀଙ୍କ ଗତିବିଧି ଉପରେ ନଜର ରଖିଛନ୍ତି।