ବେଙ୍ଗାଲୁରୁ : ଚଳିତ ବର୍ଷର ୱାଇଲ୍ଡ ଲାଇଫ ଫଟୋଗ୍ରାଫର ଭାବେ ବେଙ୍ଗାଲୁରୁର ପ୍ରତିଭାଶାଳୀ ଭିହାନ ତଲ୍ୟା ବିକାଶ ୧୦ ବର୍ଷ ଏବଂ ତା’ଠୁ କମ୍ ଶ୍ରେଣୀ ବର୍ଗରେ ପୁରସ୍କାର ପାଇଛନ୍ତି। ଏହି ପୁରସ୍କାର ଏକ ପ୍ରକାରର ଓସ୍କାର ଆୱାର୍ଡ ସହିତ ସମାନ। ଏହାକୁ ପ୍ରାକୃତିକ ଇତିହାସ ସଂଗ୍ରହାଳୟ ଦ୍ୱାରା ଆୟୋଜିତ କରାଯାଇଥିଲା। ବିଶ୍ୱର ସବୁଠୁ ଅସାଧାରଣ ବନ୍ୟଜୀବ ଫଟୋଗ୍ରାଫିକୁ ପ୍ରଦର୍ଶିତ କରିବାକୁ ଏହା ଏକ ବୈଶ୍ୱିକ ମଞ୍ଚ ଭାବରେ କାର୍ଯ୍ୟ କରିଥାଏ। ଭିହାନଙ୍କ ଫଟୋଗ୍ରାଫି ତାଙ୍କର ଅସାଧାରଣ ପ୍ରତିଭା ଓ ସୃଜନଶୀଳତାକୁ ଦର୍ଶାଏ। ତାଙ୍କ ଫଟୋଗ୍ରାଫିରେ ଏକ ବୁଢ଼ୀଆଣିକୁ ଆକର୍ଷଣ ମୁଦ୍ରାରେ ଦର୍ଶାଇଯାଇଛି। ଯାହା ତାଙ୍କ ସହର ବାହାର ଅଞ୍ଚଳରେ ଥିବା ଭଗବାନ କୃଷ୍ଣଙ୍କ ମୂର୍ତ୍ତି ପାଖରେ ରହିଛି। ଏଥିରେ ବୁଢୀଆଣିଟି କୃଷ୍ଣଙ୍କ ବଂଶୀ ସ୍ବରରେ ମୁଗ୍ଧ ହୋଇଥିବା ଦର୍ଶାଯାଇଛି। ଏପରି ଉଲ୍ଲେଖନୀୟ ଉପଲବ୍ଧି ପ୍ରତି ଭିହାନଙ୍କ ଯାତ୍ରା ବେଙ୍ଗାଲୁରୁ ପାଖ ଏକ ମନ୍ଦିର ନିକଟରୁ ଆରମ୍ଭ ହୋଇଥିଲା। ଏହି ଯାତ୍ରାରେ ସେ ନିଜ ଶିକାରକୁ ଫସାଇବା ସମୟରେ ତାଙ୍କ ନଜର ଏକ ବୃକ୍ଷ ତଳେ ଥିବା ବୁଢୀଆଣି ଉପରେ ପଡ଼ିଥିଲା। ୧୦ ବର୍ଷୀୟ ଭିହାଣ ୩ ବର୍ଷ ପୂର୍ବରୁ ତାଙ୍କ ଫଟୋଗ୍ରାଫି ଆରମ୍ଭ କରିଥିଲେ। ଭିହାନ ତାଙ୍କ କ୍ୟାମେରାରେ ମାଇକ୍ରୋ ଏବଂ ଟେଲିଫଟୋ ଲେନ୍ସର ବ୍ୟବହାର କରୁଥିଲେ। ଫଟୋଗ୍ରାଫି ବ୍ୟତୀତ ସେ ଖଗୋଳ ବିଜ୍ଞାନର ଅଧ୍ୟୟନ କରିବା, ବିଭିନ୍ନ ପ୍ରକାରର ପ୍ରତିଭା ଏବଂ ରୁଚିକୁ ପ୍ରଦର୍ଶିତ କରିବାର ମଧ୍ୟ ତାଙ୍କର ରୁଚି ରହିଛି। ଭିହାନଙ୍କ ଏହି ଫଟୋ ଡବ୍ଲ୍ୟୁପିୱାଇ ଓ୍ବାଇ ୫୯ ସଂଗ୍ରହର ଅଂଶ ହେବ। ଆସନ୍ତା ବର୍ଷର ବନ୍ୟଜୀବ ଫଟୋଗ୍ରାଫର ପ୍ରଦର୍ଶନୀରେ ପ୍ରଦର୍ଶିତ କରାଯିବ। ବନ୍ୟଜୀବ ସଂରକ୍ଷଣର ମହତ୍ତ୍ୱପୂର୍ଣ୍ଣ ଆବଶ୍ୟକତା ବାବଦରେ ସଚେତନତା ବଢ଼ାଇବାକୁ ପ୍ରାଥମିକ ଉଦ୍ଦେଶ୍ୟ ସହିତ ଏହି ପ୍ରଦର୍ଶନୀ ୪ ମହାଦ୍ୱୀପରେ ୨୫ ସ୍ଥାନ ଭ୍ରମଣ କରି ଏକ ବୈଶ୍ୱିକ ଯାତ୍ରା ଆରମ୍ଭ କରିବ।