ଭୁବନେଶ୍ୱର,୨୮।୮: ଜିନ୍ଦଲ ଷ୍ଟେନଲେସ ଲିମିଟେଡ (ଜେଏସ୍ଏଲ୍) କୁ ଆଉ ଏକ ବଡ ଉପଲବ୍ଧି ସହ ଦ୍ୱିପାକ୍ଷିକ ସୀମା ବାଣିଜ୍ୟ ପେପରଲେସ ଏବଂ ସବୁ ପକ୍ଷଙ୍କ ପାଇଁ ଏକ ସୁଗମ ଯାତ୍ରା କରିବା ଲାଗି ଜିନ୍ଦଲ ଷ୍ଟେନଲେସ ପ୍ରଥମ ଭାରତୀୟ କର୍ପୋରେଟ ହୋଇପାରିଛି। ବିଶେଷ କରି ନ୍ୟାଶନାଲ ଇନ୍ଷ୍ଟିଚ୍ୟୁଟ ଫର ଟ୍ରାନସଫର୍ମିଂ ଇଣ୍ଡିଆ (ନୀତି) ଆୟୋଗ ଓ ସିଙ୍ଗାପୁର ବାଣିଜ୍ୟ ଓ ଉଦ୍ୟୋଗ ମନ୍ତ୍ରଣାଳୟ (ଏମଟିଆଇ) ବ୍ୟତୀତ ଜିନ୍ଦଲ ଷ୍ଟେନଲେସ,ଆଇସିଆଇସିଆଇ ବ୍ୟାଙ୍କ, ଏଣ୍ଟରପ୍ରାଇଜ ସିଙ୍ଗାପୁର, ଇନଫୋକମ ମିଡିଆ ବିକାଶ କର୍ତ୍ତୃପକ୍ଷ (ଆଇଏମଡିଏ), ଡିବିଏସ ବ୍ୟାଙ୍କ, ମ୍ୟାପଟ୍ରାସ୍କୋ, ଏପି ମୋଲେର-ମେରସକ ଆଦି ଅନ୍ତର୍ଭୁକ୍ତ ଅଛନ୍ତି। ସେହିଭଳି ସାର୍ବଜନିକସ୍ତରରେ ଏହା ହେଉଛି ପ୍ରଥମ ଲାଇଭ କାରବାର, ଏହି ପ୍ରକଳ୍ପରେ ଇବିଏଲ ବ୍ୟବହାର କରି ବ୍ଲକ ଚେନ ଦ୍ୱାରା କାର୍ଯ୍ୟକ୍ଷମ କରାଯାଇପାରିବ। ଯେଉଁଥିରେ ବ୍ୟବସାୟୀ, ସିପର ଓ ବ୍ୟାଙ୍କ ଗୁଡ଼ିକ ପ୍ରକୃତ ଉଠାଣ କାରବାରରେ ଜଡ଼ିତ ଅଛନ୍ତି, ସେମାନେ ବିଭିନ୍ନ ପ୍ଲାଟଫର୍ମ ମାଧ୍ୟମରେ ଉପକୃତ ହୋଇପାରିବେ। ଏ ସମ୍ପର୍କରେ ଜେଏସଏଲର ପରିଚାଳନା ନିର୍ଦ୍ଦେଶକ ଅଭ୍ୟୁଦୟ ଜିନ୍ଦଲ କହିଛନ୍ତି, ଟ୍ରେଡ ଟ୍ରଷ୍ଟ ଫ୍ରେମୱାର୍କ ପେପର ବିଲ ଅଫ ଲେଡିଙ୍ଗର ଅସୁବିଧାକୁ ଦୂର କରି ଆନ୍ତର୍ଜାତିକ ବାଣିଜ୍ୟକୁ ବୃଦ୍ଧି କରିବ ଏବଂ ଡିଜିଟାଲ ସ୍ଥାନାନ୍ତରଣକୁ ଅନୁମତି ଦେବ। ଫଳରେ ବିକ୍ରେତାଠାରୁ କ୍ରେତା ପର୍ଯ୍ୟନ୍ତ ସମେସ୍ତ ଉପକୃତ ହୋଇପାରିବେ। ସେହିଭଳି ଦକ୍ଷ ଅନ୍ତର୍ଜାତୀୟ ବାଣିଜ୍ୟ କାରବାର ପାଇଁ ଏହା ଏକ ଇକୋ ସିଷ୍ଟମ ନିର୍ମାଣରେ ସାହାଯ୍ୟ କରିବ। ବିଶେଷ କରି ଆମେ ଭାରତ ଓ ସିଙ୍ଗାପୁର ସରକାରଙ୍କ ସହ ସହଭାଗୀ ହୋଇଥିବାରୁ ଗର୍ବିତ। ସେହିପରି ପାରମ୍ପରିକ କାଗଜ ଆଧାରିତ ପ୍ରକିୟାକୁ ଡିଜିଟାଇଜେସନ କରି ଅନ୍ତର୍ଜାତୀୟ ବାଣିଜ୍ୟରେ ସମ୍ମୁଖୀନ ହେଉଥିବା ଆହ୍ବାନଗୁଡ଼ିକର ମୁକାବିଲା କରିବାରେ ଏହା ଏକ ସମାଧାନ ରୂପେ ସହାୟକ ହେବ।