ଓ୍ବାଶିଂଟନ,୧୬।୧: ଆମେରିକା ରାଷ୍ଟ୍ରପତି ନିର୍ବାଚନରେ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ଅଧୀନରେ ରିପବ୍ଲିକାନ ଦଳର ଉପରାଷ୍ଟ୍ରପତି ପ୍ରାର୍ଥତ୍ତ୍ୱ ନିମନ୍ତେ ପ୍ରତିଦ୍ୱନ୍ଦ୍ୱିତା କରିବାକୁ ଅନ୍ୟତମ ରାଷ୍ଟ୍ରପତି ପ୍ରାର୍ଥତ୍ତ୍ୱ ଆଶାୟୀ ନିକି ହାଲି ଏବଂ ବିବେକ ରାମସ୍ବାମୀ ଆଗ୍ରହୀ ନ ଥିବା ଜଣାପଡ଼ିଛି।
ନିକି ପରବର୍ତ୍ତୀ ରାଷ୍ଟ୍ରପତି ହେବା ପାଇଁ ଲଢ଼େଇ ଜାରି ରଖିବେ ଏବଂ ସେ ବିଜୟୀ ହେବାକୁ ହକ୍ଦାର ବୋଲି କହିଛନ୍ତି। ସେହିପରି ଅନ୍ୟତମ ରାଷ୍ଟ୍ରପତି ଆଶାୟୀ ପ୍ରାର୍ଥୀ ରାମସ୍ବାମୀଙ୍କୁ ଉପରାଷ୍ଟ୍ରପତି ପ୍ରାର୍ଥୀ ଭାବେ ଟ୍ରମ୍ପ୍ ନିଜ ସାଙ୍ଗରେ ରଖିବା ଖବରକୁ ତାଙ୍କ ଉପଦେଷ୍ଟା ଖଣ୍ଡନ କରିଛନ୍ତି। ଭାରତୀୟ ଆମେରିକୀୟ ଆଶାୟୀ ପ୍ରାର୍ଥୀ ରାମସ୍ବାମୀଙ୍କୁ ଟ୍ରମ୍ପ୍ ସର୍ବସାଧାରଣରେ ସମାଲୋଚନା କରିଥିଲେ ବୋଲି ସେ କହିଛନ୍ତି।
