ବେଙ୍ଗାଲୁରୁ,୨୯।୪:ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବ୍ୟାଟ୍ସମ୍ୟାନ ୱିଲ ଜ୍ୟାକ୍ସ ଗୁଜରାଟ ଟାଇଟାନ୍ସ ବିପକ୍ଷରେ ୪୧ ବଲରେ ୧୦୦ ରନ ସ୍କୋର କରିଥିଲେ। ଏହି ବ୍ୟାଟ୍ସମ୍ୟାନ ତାଙ୍କ ଇନିଂସରେ ୫ ଚୌକା ଓ ୧୦ ଛକା ମାରିଥିଲେ। ୱିଲ ଜ୍ୟାକ୍ସ ତାଙ୍କ ନାମରେ ଏକ ବଡ଼ ରେକର୍ଡ କରିଛନ୍ତି।
ୱିଲ ଜ୍ୟାକ୍ସ କ୍ରିସ ଗେଲଙ୍କ ୧୩ ବର୍ଷର ରେକର୍ଡ ଭାଙ୍ଗିଛନ୍ତି। ଜ୍ୟାକ ୩୧ ବଲରେ ୫୦ ରନ ମାର୍କରେ ପହଞ୍ଚିଥିଲେ, କିନ୍ତୁ ଏହା ପରେ ସେ ମାତ୍ର ୧୦ ବଲରେ ଶତକ ମାର୍କ ଅତିକ୍ରମ କରିଥିଲେ। ଅର୍ଥାତ୍ ଅର୍ଦ୍ଧଶତକ ପରେ ୱିଲ ଜ୍ୟାକ୍ସ ମାତ୍ର ୧୦ ବଲରେ ପରବର୍ତ୍ତୀ ୫୦ ରନ ସ୍କୋର କରିଥିଲେ।
ଏହାପୂର୍ବରୁ ଏହି ରେକର୍ଡ କ୍ରିସ ଗେଲଙ୍କ ନାମରେ ଥିଲା। ଆଇପିଏଲ ୨୦୧୩ରେ କ୍ରିସ ଗେଲ ଏହି ସଫଳତା ହାସଲ କରିଥିଲେ, କିନ୍ତୁ ବର୍ତ୍ତମାନ ୱିଲ ଜ୍ୟାକ ‘ୟୁନିଭର୍ସ ବସ’କୁ ପଛରେ ପକାଇଛନ୍ତି।
ବିରାଟ କୋହଲି ୧୪ ବଲରେ ଏହି ସଫଳତା ହାସଲ କରିଥିଲେ। ପୂର୍ବତନ ଭାରତୀୟ ଅଧିନାୟକ ଆଇପିଏଲ ୨୦୧୬ରେ ନିଜର ଅର୍ଦ୍ଧଶତକ ପୂରଣ କରିବା ପରେ ପରବର୍ତ୍ତୀ ୧୦ ବଲରେ ଶତକ ମାର୍କ ଛୁଇଁଥିଲେ।
ଗୁଜରାଟ ଟାଇଟାନ୍ସ ବିପକ୍ଷରେ ୱିଲ ଜ୍ୟାକ୍ସଙ୍କର ବିସ୍ଫୋରକ ଇନିଂସ ଯୋଗୁ ଆରସିବି ମାତ୍ର ୧୬ ଓଭରରେ ୨୦୧ ରନ ଲକ୍ଷ୍ୟ ହାସଲ କରିଛି। ଏହି ବିଜୟ ସହିତ, ଫାଫ ଡୁ ପ୍ଲେସିସ୍ଙ୍କ ଦଳ ଏହାର ପ୍ଲେ ଅଫ ଆଶାକୁ ଜୀବନ୍ତ ରଖିଛି।