ନୂଆଦିଲ୍ଲୀ,୧୭ା୧୧: ଦିଲ୍ଲୀ ସରକାରରେ ପରିବହନ ମନ୍ତ୍ରୀ ତଥା ବିଧାୟକ କୈଳାସ ଗେହଲଟ୍ ରବିବାର ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି। ଫଳରେ ତାଙ୍କ ଇସ୍ତଫା ଆମ୍ ଆଦ୍ମୀ ପାର୍ଟି ପାଇଁ ଏକ ବଡ଼ ଝଟ୍କା। ଦୁଇ ମାସ ପରେ ଦିଲ୍ଲୀରେ ବିଧାନସଭା ନିର୍ବାଚନ ହେବାକୁ ଥିବା ସମୟରେ ବର୍ତ୍ତମାନ ସେ ତାଙ୍କ ପଦରୁ ଇସ୍ତଫା ଦେଇଛନ୍ତି। ଯାହାକୁ ନେଇ ନାନା ଆଲୋଚନା ହେଉଛି।
କୈଳାସ ଭାଜପାରେ ମିଶିପାରନ୍ତି ବୋଲି କୁହାଯାଉଥିବାବେଳେ ଦିଲ୍ଲୀର ଭାଜପା ମୁଖ୍ୟ ବୀରେନ୍ଦ୍ର ସଚଦେବା କହିଛନ୍ତି, ବର୍ତ୍ତମାନ ତ ଗେହଲଟ୍ ତାଙ୍କ ପଦବୀରୁ ଇସ୍ତଫା ଦେଇଛନ୍ତି। ସେ ଭାଜପାରେ ମିଶିବେ କି ନାହିଁ ତାଙ୍କ ତରଫରୁ ଭାଜପା ପାଖରେ କୌଣସି ପ୍ରସ୍ତାବ ନାହିଁ।
