ମେଲବୋର୍ନ,୩୦।୧୦ : ରବିବାର ଟି -୨୦ ବିଶ୍ୱକପର ୩୦ ତମ ମ୍ୟାଚ ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯିବ। ଏହି ମ୍ୟାଚ ପର୍ଥରେ ଅନୁଷ୍ଠିତ ହେବ । ପାକିସ୍ତାନ ଏବଂ ନେଦରଲ୍ୟାଣ୍ଡକୁ ପରାସ୍ତ କରିବା ପରେ ଭାରତୀୟ ଦଳ ଶକ୍ତିଶାଳୀ ଆଫ୍ରିକୀୟ ଦଳକୁ ହରାଇ ହାଟ୍ରିକ୍ କରିବାକୁ ପଡ଼ିଆକୁ ଓହ୍ଲାଇବ। ଅପରପକ୍ଷରେ ଦକ୍ଷିଣ ଆଫ୍ରିକା ପୂର୍ବ ମ୍ୟାଜରେ ବାଂଲାଦେଶକୁ ଶୋଚନୀୟ ଭାବେ ପରାସ୍ତ କରିଥିଲା। ଜିମ୍ବାୱେ ବିପକ୍ଷରେ ମ୍ୟାଚ ବର୍ଷା ଯୋଗୁ ବାଧାପ୍ରାପ୍ତ ହୋଇଥିଲା।
ପଏଣ୍ଟ ଟେବୁଲରେ ଉଭୟ ଦଳର ସ୍ଥିତିକୁ ଦେଖିଲେ ଭାରତ ଦୁଇଟି ମ୍ୟାଚରୁ ଚାରି ପଏଣ୍ଟ ସହ ଗ୍ରୁପ -୨ ଶୀର୍ଷରେ ରହିଛି। ଟିମ୍ ଇଣ୍ଡିଆର ନିଟ ରନ ରେଟ +୧.୪୨୫ ରହିଛି। ଏଥି ସହିତ ଦକ୍ଷିଣ ଆଫ୍ରିକା ଦୁଇଟି ମ୍ୟାଚରୁ ତିନୋଟି ପଏଣ୍ଟ ସହ ଦ୍ୱିତୀୟ ସ୍ଥାନରେ ରହିଛି। ଏହାର ନିଟ ରନ ରେଟ +୫.୨୦୦ ରହିଛି। ଜିମ୍ବାୱେର ଦକ୍ଷିଣ ଆଫ୍ରିକା ସହିତ ତିନୋଟି ପଏଣ୍ଟ ସମାନ। କିନ୍ତୁ ନେଟ ରନ ରେଟରେ ଏହା +୦.୦୫୦ ପଛରେ ଅଛି ।
ଅଷ୍ଟ୍ରେଲିଆର ପାଣିପାଗ ବିଭାଗ ଆଂଶିକ ମେଘୁଆ ଆକାଶ ଏବଂ ହାଲକା ବର୍ଷା ପୂର୍ବାନୁମାନ କରିଛି। ଅପରାହ୍ନ ଓ ସନ୍ଧାରେ ବର୍ଷା ହେବାର ସମ୍ଭାବନା ଅଛି । ଏହି ସମୟ ମଧ୍ୟରେ ଭାରତର ମ୍ୟାଚ୍ ହେବ ନାହିଁ। ତେବେ ପାକିସ୍ତାନ ଏବଂ ନେଦରଲାଣ୍ଡ ମଧ୍ୟରେ ହେବାକୁଥିବା ମ୍ୟାଚରେ ବର୍ଷାର ପ୍ରଭାବ ଦେଖିବାକୁ ମିଳିପାରେ।
ପର୍ଥରେ ସନ୍ଧ୍ୟା ଟାରୁ ମ୍ୟାଚ ଆରମ୍ଭ ହେବ। ସେତେବେଳେ ଭାରତରେ ଅପରାହ୍ନ ୪ଟା ୩୦ ହୋଇଥିବ। ପାଣିପାଗ ଡଟ କମ ଅନୁଯାୟୀ ରବିବାର ଦିନ ସନ୍ଧ୍ୟା ୭ ଟାରୁ ପର୍ଥରେ ବର୍ଷା ହେବାର ସମ୍ଭାବନା ନାହିଁ। ରାତି ୯ ଟା ପରେ ଦୁଇ ପ୍ରତିଶତ ବର୍ଷା ହେବାର ସମ୍ଭାବନା ଅଛି। ମ୍ୟାଚ ସମୟରେ ପର୍ଥର ତାପମାତ୍ରା ପ୍ରାୟ ୧୩ ଡିଗ୍ରୀ ସେଲସିୟସ ରହିବ। ଶୀତରେ ଉଭୟ ଦଳ ମ୍ୟାଚ ଖେଳିବେ।
ଯଦି ବର୍ଷା ହୁଏ ତେବେ କଣ ହେବ?
ଯଦି ମ୍ୟାଚ ସମୟରେ ବର୍ଷା ହୁଏ, ତେବେ ପ୍ରଥମେ ଓଭର ହ୍ରାସ କରାଯିବ। ଅମ୍ପାୟାର ଯଥାସମ୍ଭବ ଅଧିକ ଓଭର ବୋଲିଂ କରାରଇବାକୁ ଚାହିଁବେ। ସର୍ବନିମ୍ନ ପାଞ୍ଚ ଓଭରର ୍ମ୍ୟାଚ ହୋଇପାରେ । ଯଦି ପାଞ୍ଚ ଓଭର ମ୍ୟାଚ ହେବାର କୌଣସି ସମ୍ଭାବନା ରହିବ ନାହିଁ। ତେବେ ମ୍ୟାଚ ବାତିଲ ଘୋଷଣା କରାଯିବ।
ଭାରତ-ଦକ୍ଷିଣ ଆଫ୍ରିକା ମ୍ୟାଚ ପାଇଁ କୌଣସି ରିଜର୍ଭ ଦିନ ଅଛି କି?
ରବିବାର ଅନୁଷ୍ଠିତ ହେବାକୁ ଥିବା ମ୍ୟାଚ ପାଇଁ କୌଣସି ରିଜର୍ଭ ଦିନ ନାହିଁ। ଯଦି ପାଞ୍ଚ ଓଭର ମଧ୍ୟ ଖେଳାଯାଇପାରିବ ନାହିଁ, ତେବେ ମ୍ୟାଚ ବନ୍ଦ ହୋଇଯିବ। କେବଳ ସେମିଫାଇନାଲ ମ୍ୟାଚ ଏବଂ ଫାଇନାଲ ମ୍ୟାଚ ପାଇଁ ରିଜର୍ଭ ଦିନ ଅଛି।
ମ୍ୟାଚ ବାତିଲ ହେଲେ ପଏଣ୍ଟଗୁଡିକ କିପରି ବଣ୍ଟନ କରାଯିବ?
ମ୍ୟାଚ ବାତିଲ ହେଲେ ଉଭୟ ଭାରତ ଏବଂ ଦକ୍ଷିଣ ଆଫ୍ରିକା ପ୍ରତ୍ୟେକ ଗୋଟିଏ ପଏଣ୍ଟ ପାଇବେ।