ଯଦି ଗୋଟିଏ ଟଙ୍କା ନେଇଛି ବୋଲି ପ୍ରମାଣିତ ହୁଏ, ରାଜନୀତିରୁ ସନ୍ୟାସ ନେବି: ସିଦ୍ଦରମୈୟା

ବେଙ୍ଗାଲୁରୁ,୧୯।୧୧: ଯଦି ସରକାରୀ କର୍ମଚାରୀଙ୍କ ଟ୍ରାନ୍ସଫର ମାମଲାରେ ମଧ୍ୟ ଗୋଟିଏ ଟଙ୍କା ନେଇଛନ୍ତି ବୋଲି ପ୍ରମାଣିତ ହୁଏ ତେବେ ରାଜନୀତିରୁ ଅବସର ନେବି ବୋଲି କହିଛନ୍ତି କର୍ନାଟକ ମୁଖ୍ୟମନ୍ତ୍ରୀ ସିଦ୍ଦରମୈୟା। ଜେଡି (ଏସ) ରାଜ୍ୟ ସଭାପତି ଏଚଡି କୁମାରସ୍ବାମୀ ସିଦ୍ଦରମୈୟା ଏବଂ ତାଙ୍କ ପୁଅକୁ ‘ଟ୍ରାନ୍ସଫର ପାଇଁ ଟଙ୍କା’ ର଼୍ୟାକେଟ ଚଳାଇଥିବା ଅଭିଯୋଗ କରିଛନ୍ତି।
ଏହି ଅଭିଯୋଗ ଉପରେ ସିଦ୍ଦରମୈୟା କହିଛନ୍ତି, ସେ (କୁମାରସ୍ବାମୀ) ତାଙ୍କ କାର୍ଯ୍ୟକାଳ ମଧ୍ୟରେ ଟ୍ରାନ୍ସଫର ପାଇଁ ନେଇଥିବା ଟଙ୍କା ବିଷୟରେ କହୁଛନ୍ତି। ଆମର କାର୍ଯ୍ୟକାଳ ମଧ୍ୟରେ ଆମେ କୌଣସି ଟଙ୍କା ନେଇନାହୁଁ। ମୁଁ ପୂର୍ବରୁ କହିସାରିଛି ଯେ ଯଦି ଏହା ପ୍ରମାଣିତ ହୁଏ ଯେ ମୁଁ ଗୋଟିଏ ଟ୍ରାନ୍ସଫର ମାମଲାରେ ମଧ୍ୟ ଟଙ୍କା ନେଇଛି, ତେବେ ମୁଁ ରାଜନୀତିରୁ ଅବସର ନେବି। ସେ କହିଛନ୍ତି, ସେମାନଙ୍କୁ ଶହେ ଥର ଟୁଇଟ କରନ୍ତୁ, ମୁଁ ଜବାବ ଦେବାକୁ ଚାହେଁ ନାହିଁ।