ଭୁବନେଶ୍ୱର,୧୨।୫: କଂଗ୍ରେସର ବରିଷ୍ଠ ନେତା ଆଧୀର ରଂଜନ ଚୌଧୁରୀ ରବିବାର ଏକ ବଡ଼ ବିବାଦୀୟ ବୟାନ ଦେଇଛନ୍ତି। ସେ କହିଛନ୍ତି “ଯଦି ସେମାନେ ଟଙ୍କା ଦିଅନ୍ତି ତେବେ ଆଦାନୀ-ଅମ୍ବାନୀ ଉପରେ ଆକ୍ରମଣ ବନ୍ଦ କରିବେ”। ଅଧୀରଙ୍କ ଏହି ମନ୍ତବ୍ୟର କିଛି ସମୟ ପରେ ଭାରତୀୟ ଜନତା ପାର୍ଟି କଂଗ୍ରେସ ଉପରେ ଆକ୍ରମଣ କରି କହିଛି ଯେ ଦଳର କାର୍ଯ୍ୟକଳାପ “ରାଜନୈତିକ ଚୋରୀ” ଛଡା ଆଉ କିଛି ନୁହେଁ।
କଂଗ୍ରେସର ଦୁର୍ନୀତିକୁ ଅଧୀର ରଂଜନ ଚୌଧୁରୀ ପ୍ରକାଶ କରୁଥିବା ଦର୍ଶାଇ ଭାଜପା ଆଇଟି ସେଲ୍ ମୁଖ୍ୟ ଅମିତ ମାଲବ୍ୟ ତାଙ୍କ ଏକ୍ସ ହ୍ୟାଣ୍ଡେଲରେ ଏକ ୩୩ ସେକେଣ୍ଡର କ୍ଷୁଦ୍ର ଭିଡିଓ କ୍ଲିପ୍ ସେୟାର କରିଛନ୍ତି ଯେଉଁଥିରେ ଲୋକସଭାରେ ବିରୋଧୀ ଦଳର ନେତା ଭାରତୀୟ ବ୍ୟବସାୟ ଟାଇକୁନ୍ ଉପରେ ଆକ୍ରମଣ କରୁଥିବା କଥା ଶୁଣିବାକୁ ମିଳିଥିଲା।
ଭିଡିଓରେ କହୁଛନ୍ତି ଯେ ଯଦି ସେମାନେ ଟଙ୍କା ପଠାଇବା ଆରମ୍ଭ କରନ୍ତି ତେବେ ଅମ୍ବାନୀ ଏବଂ ଆଦାନୀଙ୍କ ନାମ ଉଲ୍ଲେଖ କରିବା କଂଗ୍ରେସ ବନ୍ଦ କରିବ। “ଆମେ ସେମାନଙ୍କୁ ଆକ୍ରମଣ କରୁ କାରଣ ସେମାନେ ଆମକୁ ଟଙ୍କା ପଠାନ୍ତି ନାହିଁ। ଯଦି ସେମାନେ ପଠାନ୍ତି, ତେବେ ଆମେ ଚୁପ୍ ରହିବୁ ବୋଲି କଂଗ୍ରେସ ନେତା ଏକ ସାମ୍ବାଦିକଙ୍କୁ ଦେଇଥିବା ସାକ୍ଷାତକାରରେ ଏକ ମଜାଳିଆ ଅନ୍ଦାଜରେ କହିଛନ୍ତି।
The acts of Congress’s Adhir Ranjan Chowdhury are nothing less than political extortion.
In his recent interview, he unmasks Congress and says that they will stop attacking Adani-Ambani the moment they give money to the Congress. Of the two, Rahul Gandhi has already stopped… pic.twitter.com/Mwe4SxKQAF
— Amit Malviya (@amitmalviya) May 12, 2024
ତେବେ ନିକଟରେ ତେଲେଙ୍ଗାନାର କରିମନଗରରେ ଏକ ନିର୍ବାଚନ ରାଲିରେ ପ୍ରଧାନମନ୍ତ୍ରୀ ପ୍ରଶ୍ନ କରିଥିଲେ ଯେ ଲୋକସଭା ନିର୍ବାଚନ ଘୋଷଣା ହେବା ପରଠାରୁ କଂଗ୍ରେସ ନେତା ରାହୁଲ ଗାନ୍ଧୀ “ଅମ୍ବାନୀ-ଆଦାନୀ” ବିରୋଧରେ କହିବା କାହିଁକି ବନ୍ଦ କରି ଦେଇଛନ୍ତି ଏବଂ ବିରୋଧୀଦଳର ନେତା “କେତେ କଳା ଟଙ୍କା” ପାଇଛନ୍ତି।
